Сиртқи таълим шакли талабалари учун назорат ишларини бажариш, расмийлаштириш ва бахолаш тартиби тўғрисида

III. Назорат ишларини бажариш ва расмийлаштириш тартиби

3.1.Фанлардан берилган назорат ишлари оддий 12-18 вароқли дафтарда ёки йиғма жилдда А-4 форматдаги қоғозда бажарилади.

3.2.Хар бир дафтарда ва йиғма жилдда фақат битта назорат иши бажарилади.
3.3.Дафтарни ёки йиғма жилднинг юзига “Назорат иши” деган зарварағ клейланади.
3.4.Назорат ишларини зарварағини расмийлаштириш тартиби (1-иловада) берилган.
3.5.Назорат ишида мавзу, режалар ва назорат ишини ёзишда фойдаланилган адабиётлар рўйхати кўрсатилади
3.6. Назорат иши қўлда ёки компьютерда ёзилади.
3.7. Назорат ишлари университетнинг тегишли кафедраларига:
Қишги сессияда биринчи назорат ишларии 15 ноябргача, иккинчи назорат ишлари 15 декабргача;
Ёзги сессияда биринчи назорат ишлари 15 апрелгача, иккинчи назорат ишлари 15 майгача тақдим этилиши лозим.
3.8.Университетнинг тегишли таълим йўналишларига келиб тушган барча назорат ишлари махсус журналларда сиртқи таълимга масъул бўлган шахс томонидан қайд этилади ва ўрнатилган тартибда тегишли фанларнинг педагог ходимларига текшириш ва тақризга берилади.
3.9.Реферат ва курс ишларини расмийлаштириш тартиби 2, 3 – иловада берилган

IV. Назорат ишларини текшириш ва бахолаш


4.1.Назорат ишини текшириш ва унга тақриз бериш шу фанга бириктирилган педагог ходим томонидан амалга оширилади.
4.2.Назорат ишлари университетда рўйхатга олингандан кейин кўпи билан бир хафта ичида текширилиши ва тақриз берилиши лозим.
4.3.Битта назорат ишини текшириш ва унга тақриз ёзиш учун амалдаги вақт меъёрлари асосида вақт сарфи белгиланади.
4.4.Назорат ишларини текширишда педагог ходим томонидан талаба йўл қўйган камчиликлар назорат иши матнида аниқ кўрсатилади. Кўрсатилган камчиликларда тушунтиришларсиз турли ҳил терминлар, қисқартмалар ва белгилар бўлмаслиги лозим. Кўрсатилган камчиликлар ажралиб туриши учун қизил рангли ручкада ёзилиши лозим.
4.5.Назорат иши текшириб бўлингандан кейин педагог ходимлар томонидан қониқарли деб топилган назорат ишларига текширилганлик вақти ва балл қўйилади.
4.6.Қониқарсиз деб топилган назорат ишларига педагог ходимлар томонидан алоҳида бланкада талабаларга ўрнатилган тартибда қайта топшириш бўйича тақриз ёзилади ва талабаларнинг манзилига юборилади.
4.7.Назорат ишларига ёзиладиган тақризлар мутлоқ индивидуал бўлиши лозим. Унда қуйидагиларга алоҳида эътибор қаратилади:
а)бажарилган назорат ишини ижобий томонларига;
в)назорат ишлари чуқур таҳлил қилиниши ва талаба томонидан йўл қўйилган камчиликлар аниқ кўрсатилиши;
с) кўрсатилган камчиликларни бартараф этиш бўйича аниқ йўл-йўриқлар ва тавсиялар берилган бўлиши;
д) назорат иши бўйича хулоса ва назорат ишига қўйилган бал бўлиши лозим.
4.8.Зарурият бўлган холларда талабага тегишли фан бўйича маслахатга келиш тавсия этилиши мумкин.
4.9.Назорат ишига ёзилган тақриз педагог ходим томонидан текширилган кун билан имзо қўйилган бўлиши лозим.
4.10.Қониқарсиз бахоланган назорат ишлари талабага қайта ишлаш учун қайтарилади.
4.11.Талаба томонидан қайта ишланган назорат иши унга берилган тақриз билан бирга университетнинг тегишли кафедрасига тақдим этилади.
4.12.Қайта бажарилган назорат иши биринчи назорат ишини текширган ва қониқарсиз бахолаган педагог ходимга берилади.
4.13.Агарда қайта бажарилган назорат иши сессия даврида тақдим этилса ўқитувчи томонидан назорат иши оғзаки қабул қилиниши мумкин.
4.14.Талаба томонидан уйда бажарилган назорат ишларининг хар бири 100 баллик тизимда бахоланади.
4.15.Талабанинг назорат ишига қўйилган баллар тақризда ва назорат ишининг зарварағида бўлиши лозим. Тақриз намунаси (4-иловада) берилган.
4.16.Берилган вариантлар ва топшириқлар бўйича бажарилмаган хамда тегишли қоидаларга мос келмайдиган холда расмийлаштирилган назорат ишлари текширилмасдан талабага қайтариб юборилади.