Сиртқи таълим шакли талабалари учун назорат ишларини бажариш, расмийлаштириш ва бахолаш тартиби тўғрисида

II. Назорат ишларини ташкил этиш ва ўтказиш тартиби.


2.1.Назорат ишлари талабаларннинг уйда бажариладиган мустақил иши ҳисобланади. Талабаларнинг уйдаги мустақил иши тегишли ижтимоий-гуманитар, математик, табиий - илмий, умумкасбий ва иҳтисослик фанларидан сессия оралиғида талабалар томонидан мустақил бажарилади.
2.2.Талабаларга тегишли фанлардан уйга берилган назорат ишларини бажариш учун методик кўрсатмалар ишлаб чиқилади.
2.3.Методик кўрсатмалар тегишли кафедраларда муҳокама қилинади ва университет ўқув - услубий кенгашида тасдиқланади.
2.4.Назорат ишларини бажариш бўйича методик кўрсатмалар қуйидагиларни:
-назорат ишларини бажариш бўйича тегишли кўрсатмаларни;
-назорат ишлари вариантларини;
-вазиятли масалаларни;
-реферат мавзуларини;
-эссе мавзуларини;
-курс ишлари мавзулари ва бошқаларни ўз ичига олади.
2.5.Назорат ишларини бажариш бўйича методик кўрсатмаларда қуйидагилар назарда тутилади:
-назорат ишини мақсади, вазифалари ҳамда фанни ўрганишда тутган ўрни;
-назорат ишлари вариантларини танлаш тартиби;
-назорат ишларини тузилиши;
-назорат ишларини расмийлаштириш тартиби;
-назорат ишларини олий таълим муассасасига тақдим этиш тартиби;
-назорат ишларини текшириш ва тақриздан ўтказиш тартиби;
-назорат ишларини қайта ишлашга юбориш тартиби;
-назорат ишларини расмийлаштириш, назорат ишини хажми ва тегишли саволлар ва масалаларни ечиш тартиблари;
-назорат ишларини зарварағини расмийлаштириш;
-назорат ишида фойдаланилган манбаларга ҳаволалар бериш кўрсатилади.
2.6. Назорат ишлари қуйидагича бажарилади:
-фан бўйича тегишли вариантда назорат ишини ёзиш, саволларни ёритиб бериш, мисоллар ва масалаларни ечиш, асосланган хулосалар бериш;
-фаннинг тегишли мавзуси бўйича реферат ёзиш;
-фаннинг тегишли мавзуси бўйича эссе ёзиш;
-фаннинг тегишли мавзуси бўйича курс иши ёки курс лойиҳаларини бажариш ва ҳоказолар.
2.7.Назорат ишларини бажаришда таълим йўналишларининг хусусиятлари ва талабалар сонидан келиб чиқиб вариантлар тавсия этилади:
-бериладиган топшириқлар анъанавий саволлар, мисол ва масалалар (берилган саволлар тегишли мавзулар ва бўлимларни қамраб олган ҳолда оддийдан мураккабликгача бўлиши лозим) барча вариантлар бир хил қийинлик даражасида бўлиши керак;
-тест топшириқлари;
-ижодий (реферат, эссе) топшириқлар.
-муаммоли топшириқлар.