Sirdaryo viloyati xalq ta’limi boshqarmasi boshlig‘ining buyrug‘I

SIRDARYO VILOYATI XALQ TA’LIMI BOSHQARMASI BOSHLIG‘INING BUYRUG‘I
“Xalq ta’limi tizimida axborot siyosati va ochiqlikni ta’minlash, sohaga oid axborotlarni keng jamoatchilikka yetkazish hamda xalq ta’limi bo‘limlari, boshqarma tasarrufidagi tashkilotlarini va muassasalarining rasmiy veb-saytlarini belgilangan talablar asosida yuritish to‘g‘risida”
O‘zbekiston Respublikasi Xalq ta’limi vazirining 2022-yil 289-iyundagi 01-04/233-sonli topshirig‘i ijrosi yuzasidan, Xalq ta’limi tizimida axborot siyosati va ochiqlikni ta’minlash, sohaga oid axborotlarni keng jamoatchilikka yetkazish hamda xalq ta’limi bo‘limlari, boshqarma tasarrufidagi tashkilotlarini va muassasalarining rasmiy veb-saytlarini belgilangan talablar asosida yuritish maqsadida buyuraman:
O‘zbekiston Respublikasi Xalq ta’limi vazirining 2022-yil 289-iyundagi 01-04/233-sonli topshirig‘i rahbarlik va ijro uchun qabul qilinsin.
Xalq ta’limi boshqarmasi tasarrufidagi tashkilotlar va ta’lim muassasalarining rasmiy veb-saytiga qo‘yiladigan asosiy talablar 1-ilovaga muvofiq, xalq ta’limi tizimida ochiq ma’lumotlar sifatida joylashtirilishi kerak bo‘lgan ijtimoiy ahamiyatga molik ma’lumotlar ro‘yxati 2-ilovaga muvofiq tasdiqlansin.
Matbuot kotibi (X.Tilavov),
Axborot-kommunikatsiya texnologiyalarini joriy etish va rivojlantirish bo‘limi (D.Mavlyanov):
bir oy muddatda boshqarmaning rasmiy veb-saytini (sirdaryoxtb.uz) O‘zbekiston Respublikasi Vazirlar Mahkamasining 2021-yil 15-iyundagi 373-sonli qarori bilan tasdiqlangan “Davlat organlari, xoʻjalik birlashmalari va mahalliy ijro etuvchi hokimiyati organlarining rasmiy veb-saytiga qoʻyiladigan asosiy talablar”ga ko‘ra muvofiqlashtirish
rasmiy veb-saytning doimiy ishlashi va axborot xavfsizligini ta’minlash choralarini ko‘rsin.
Matbuot kotibi (X.Tilavov)
muntazam ravishda rasmiy veb-saytdagi yangiliklar hamda belgilangan ijtimoiy ahamiyatga molik ma’lumotlarni yangilab borsin.
Barcha tuman (shahar) xalq ta’limi bo‘limi mudirlari va boshqarma tasarrufidagi muassasalarga:
bir oy muddatda rahbarlik qilayotgan tashkilotning rasmiy veb-saytini 1-ilovadagi talablar asosida ishlab chiqsin. Bunda, rasmiy veb-saytda axborot xavfsizligini ta’minlashga alohida e’tibor qaratsin;
muntazam ravishda veb-saytdagi yangiliklarni joylashtirsin hamda belgilangan ijtimoiy ahamiyatga molik ochiq ma’lumotlarni o‘z muddatida yangilab borsin;
har chorak yakunlari bo‘yicha keyingi oyning 5-sanasiga qadar veb-saytlarning manzili va ishlashi to‘g‘risidagi ma’lumotni Axborot-kommunikatsiya texnologiyalarini joriy etish va rivojlantirish bo‘limiga taqdim etsin.
Rasmiy veb-saytlarga ma’lumotlarni to‘g‘ri kiritish, uning axborot xavfsizligini ta’minlashga tashkilotning birinchi rahbari shaxsan mas’ul etib belgilansin.


Boshqarma boshlig‘i O.Donabayev

Guliston sh.,

2021-yil __ - sentabr
__ - son

K I R I T I L D I AKT bo‘limi boshlig‘i _______ D.Mavlyanov

K E L I SH I L D I Boshqarma boshlig‘i o‘rinbosari _____________ J.Rasulov

Matbuot kotibi ________ X.Tilavov

Boshqarma bosh yuristkonsulti __________ D.Chutanov