Sirdaryo viloyat pedagog kadrlarni qayta tayyorlash va ularni malakasini oshirish instituti “Ijtimoiy fanlar va ma’naviyat asoslari”

Mavzuning dolzarbligi. Prezident Islom Karimov buyuk donishmand haqida: “Ulug’ qomusiy alloma Abu Rayhon Beruniyning ilmiy dahosi bilan yaratilgan mislsiz kashfiyotlarga to’liq baho berishning o’zi qiyin. Beruniyning 150 dan ziyod ilmiy ishlaridan bizgacha faqat 31 tasi etib kelganiga qaramasdan alloma qo’lyozmalarining qo’limizdagi ana shu to’liq bo’lmagan namunalari ham uning naqadar serqirra meros qoldirganidan dalolat beradi”¹, deb yozadi. Abu Rayxon Beruniyning hayoti, ilmiy ijodi va u yashagan davr olimlarimizni, talabalarni, o’quvchilarni, jahon va musulmon ilm ahlini kÿpdan buën qiziqtirib kelmoqda. Ayniqsa, ijtimoiy-siyosiy, falsafiy, pedagogik asarlari, unda bayon qilgan qarashlari butun jahon ilm-fan tarixidagi o’rnini ÿrganishda alohida ahamiyati bor. Beruniy merosini o’rganishda akademik I.Mo’minov rahbarligidagi o’zbek faylasuflarining xizmatlari taxsinga sazovordir.

Xullas, beruniyshunoslik fani teranlashib borayotir. U haqida yozilgan kitoblar, monografiyalar maqolalar kÿp bo’lsa-da, hali Beruniyning turli yillarda turli sohalarda yozilgan asarlari, tabiatga qarashlari, falsafaga, ijtimoiy-siyosiy ta’lim-tarbiyaga oid fikrlari to’liq o’rganilib, yahlit holga keltirilgan emas.

X asr oxiri - XI asrning birinchi yarmida yashab ijod etgan ulug’ mutafakkir Beruniyning ilmiy merosini ÿrganib asarlarini taxlil qilish, pedagogik tarbiyaviy ahamiyati haqidagi qimmatli fikrlarining puxta ÿrganilishi har tomonlama ijobiy ahamiyatga egadir.