Sinfdan tashqari ishlar

Guruh holida olib boriladigan mashg’ulotlar

Sinfdan tashqari ishlarning keng tarqalgan turi - guruhlar bilan olib boriladigan to’garak mashg’ulotidir. To’garakka bolalar o’z xohishlari bilan a‘zo bo’ladilar va aniq reja bo’yicha ishlash ham bu ishni oxirigacha yetkazish mas‘uliyatini o’z bo’ynilariga oladilar. To’garakning (plani) – rejasi tuzib chiqiladi, o’quv yilining boshida. Rejada amaliy natijalar beruvchi ishlar ko’rsatilishi, bu esa bolalar yoshi uchun mos mazmunda bo’lishi lozim.

To’garakning 1-mashg’ulotida guruh sardori, uning muovini, muharriyati a‘zolari saylanadi va nomi belgilanadi. Nomlari: “Hamma narsani bilishni istayman”, “Yosh tabiatshunoslar”, “Biz va tabiat”, “Tabiat sevuchilari”, “To’garakning vazifalari” reja mazmuni bilan o’quvchilar tanishtiriladi.

To’garakka o’qituvchi rahbarlik qiladi, 2 haftada 1 marta qa‘tiiy kun va soatda mashg’ulotlar o’tkazilib turiladi. Mashg’ulotlar diafilm, diapozitiplar namoyish qilinishi yoki qiziqarli adabiyotlar o’qish kerak. Mashg’ulot mavzulari turli-tuman, qiziqtiruvchi mazmunga ega bo’lib, jonajon tabiatni o’rganishga bag’ishlanadi. “Hamma narsani bilishni istayman” to’garagi (III-IV sinflar) ishi quyidagi rejada amalga oshiriladi:

Kirish mashg’uloti.

Tabiatga ekskursiya - kuz in‘omlari.

“Jonajon o’lkaning qushlari”, “Yilning har xil fasllarida o’simliklar” diafilmlarini namoyish qilish.

Tabiat ustaxonasi, “Gul-soat”, “Ularni muhofaza qilish kerak” kabi otkretkalar seriyasi bilan ishlash.

Tabiat-o’lkashunoslik muzeyiga ekskursiya.

“Yosh tabiatshunos”oynomasidan qiziqarli hikoyalar o’qish.

“Sehrli dorixona” haqida suhbat.

To’garak ishlarini yakunlash.

Mashg’ulotlar jarayonida o’qituvchi og’zaki, amaliy va ko’rgazmali metodlardan foydalanadi.