Синф раҳбар учун кўрсатмалар. Умумий қоидалар

Синф раҳбар учун кўрсатмалар.
Умумий қоидалар.
Синф раҳбарнинг мақсади – ҳар томонлама етук, баркамол, талаб ва қобилияти даражасида такомиллаштириб, мустақил идрок эта биладиган шахсни шакллантиришдир.
Синфда таълим-тарбия ишларини ташкил этиш ва раҳбарлик қилишда асосий етакчилик вазифасини синф раҳбар ўтайди.
Ўқувчилар жамоасини ташкил этиш ва уларнинг индивидуал хусусиятларини ҳисобга олган ҳолда тарбияси сифатига жавобгар шахсдир.
Болаларга меҳрибон бўлиши, уларга диққат билан эътибор бериши, ёрдамга муҳтож ўқувчиларга ёрдам бериши, ҳар бир ўқувчига алоҳида ёндаша олиши лозим.
Ҳар томонлама ўрнак бўлиши, яъни топшириқларга масъулиятли, ишбилармон, меҳр-муҳаббатли ва ватанпарвар бўлмоғи лозим.
Синф раҳбар ўқувчи онгига қуйидагиларни сингдириши керак:

1. 
   Ватан тушунчасини ўқувчи онгига сингдириш;
   
2. 
   Миллий, ахлоқий, маданий, маърифий тушунчаларни шакллантириш;
   
3. 
   Давлатимизнинг истиқлол мафкураси ва уни идрок этиш;
   
4. 
   Иқтисодий саводхонликни ошириш;
   
5. 
   Экологик саводхонликни ошириш;
   
6. 
   Ҳуқуқий саводхонликни ошириш;
   
7. 
   Жисмоний камолот;
   
8. 
   Камолот уюшма фаолияти, асосий мазмуни ва моҳиятини тарғиб этиш;
   
9. 
   Болалар адабиёти, газета ва журналларини тарғиб этиш;
   
10. 
    Ота-оналар билан ишлаш, кенгаш фаолиятини жонлантириш.
    

Синф раҳбари ҳуқуқлари

1. 
   Дарс ва имтиҳонларда иштирок этади.
   
2. 
   Ўқувчиларнинг ўқишда эришган ютуқлари, умумий фойдали меҳнатда, мактаб ҳаёти ва жамоатчилик ишларида фаол қатнашганларни эътиборга олиб тақдирлашга тавсия этиш ҳақида таклифлар беради.
   
3. 
   Мактабни битирувчи, яхши ва аъло баҳоларда ўқиган, жамоат ишларида фаол қатнашган , олий ўқув юртига кирувчи ўқувчиларга ( йўналиш бўйича) зарур маслаҳатлар, тавсиялар, йўл-йўриқлар беради.
   
4. 
   Мактабнинг ички тартиб-қоидаларини бузганлиги ҳақида маълумот беради.
   
5. 
   Ўқувчиларнинг ота-оналари билан таълим-тарбия масалалари юзасидан суҳбатлашади.
   
6. 
   Ўқувчилар хулқини баҳолайдилар.
   

Синф раҳбари вазифалари

1. 
   Ҳар томонлама баркамол шахсни тарбиялаш.
   
2. 
   Ўқувчиларни аҳил жамоага жипслаштириш.
   
3. 
   Миллий ва ҳудудий анъаналарни ҳисобга олиш.
   
4. 
   Ота-оналар ва катталарга ҳурмат руҳида тарбиялаш.
   
5. 
   Байналмилал (миллатлараро) тарбия олиб бориш.
   
6. 
   Дунёқарашини бойитиш.
   
7. 
   Касб танлаш ишларини олиб бориш.
   
8. 
   Меҳнатсеварлик руҳида тарбиялаш.
   
9. 
   Бўш ўзлаштириш сабабларни аниқлаш.
   
10. 
    Ўқувчилар умумий сонини сақлаб қолиш учун амалий чоралар кўриш.
    
11. 
    Турар жойи, яшаш шароитини ўрганиш.
    
12. 
    Ота-оналар билан мунтазам алоқада бўлиш.
    
13. 
    Ўзининг педагогик малакаси ва маҳоратини мунтазам ривожлантириб бориш.
    
14. 
    Синф ўзлаштиришини юқори даражага кўтариш.
    
15. 
    Синф журнали ва бошқа ҳужжатларининг юритилишини таъминлайди.
    
16. 
    Дарсдан ташқари вақтини унумли ўтишини таъминлайди.
    
17. 
    Синф етакчиси билан ҳамкорликда ишлайди.
    
18. 
    Қиз бола билан алоҳида иш олиб боради.
    
19. 
    Ўқув хонасининг тозалиги ва жиҳозларига жавобгар.
    
20. 
    Кундалик дафтарларни текшириш, назорат қилиш.