Sinf: O‘qituvchi

Darsda foydalaniladigan metodlar: aralash.
Dars jihozlari: xushtak, bayroqcha, sekundomer, slaydlar, sport anjomlari.
Kompetensiya: Jismoniy mashqlar majmuasini ketma-ketlikda to‘g‘ri bajarish orqali jismoniy sifatlarni rivojlantirish.

№	Darsning borishi	Vaqt	Uslubiy ko‘rsatma
Tashkiliy qism
1	Tayyorlov qismi. O‘quvchilarni saflash, salomlashish, navbatchi o‘quvchi axborotini tinglash, davomatni aniqlash, darsda qatnasha olmaydigan (kasal) o‘quvchilarni aniqlash.	5 daqiqa	O‘quvchilarning sport kiyimiga e’tibor berish
2	Saf mashg‘ulotlari. Mashg‘ulotlarni turgan joyda bajarish, joyida tomonlarga burilish, yurish.		Gavdani tik tutishga e’tibor qaratish
3	Umumrivojlantiruvchi mashqlarni bajarish.		Mashqlarni to‘g‘ri va mukam-mal bajarilishiga erishish
O‘tilgan mavzuni takrorlash
1	O‘tgan darsda harakatli o‘yinlar haqida olingan nazariy bilimlarni mustahkamlovchi savol-javob o‘tkazish.	5 daqiqa	Nazariy bilimlarning to‘gri anglashi va mashq(lar)ni to‘liq va to‘g‘ri bajarishiga e’tibor berish
2	O‘tgan darsda harakatli o‘yinlar haqida olingan amaliy bilimlarni mustahkamlovchi topshiriqlarni bajartirish.
Asosiy qism
1	Yangi mavzuni tushuntish. O‘quvchilarga yangi futbol mavzusi yuzasidan nazariy va amaliy bilimlar berish. Futbol — xalq sevgan o‘yin. Garchi uning vatani Angliya hisoblansa-da, o‘yinning osonligi, qonun-qoidalari oddiy tuzilgani, muhimi har bir kishi bemalol shug‘ullana olishi mumkinligi uchun ham futbol butun dunyoda mashhur bo‘lib ketgan, har bir xalq uni o‘ziniki deb hisoblaydi. Shu sababli futbol xalq o‘yini, millionlar o‘yini deyiladi. Futbol maxsus maydonda to‘p bilan o‘ynaladi. Har bir jamoada o‘n bittadan o‘yinchi bo‘lib, ular alohida hujumchilar, yarim himoyachilar, himoyachilar va darvozabonga bo‘linadi. Hujumchilar raqib darvozasiga hujum uyushtiradilar. Ularning vazifasi to‘pni ustalik bilan olib borish va darvozaga aniq tepish. Himoyachilar o‘z darvozalarini raqib hujumidan himoya qiladilar, o‘z navbatida, raqibidan to‘pni olib, tezda uni o‘z hujumchilariga oshiradilar. Yarim himoyachilar himoyada va hujumda o‘ynaydilar, shuning uchun ular eng chidamli va yaxshi tayyorlangan o‘yinchilar hisoblanadi. Darvozabon – raqib hujumi paytida darvozaga to‘p kirishidan saqlovchi o‘yinchi. Faqat darvozabonlarga to‘pni qo‘l bilan o‘ynashlariga ruxsat etilgan. Тo‘pni ilib olish—darvozabon o‘yinining asosiy vositasi. Darvozabon to‘pni qo‘lda ilib olishi va urib qaytarishi mumkin. Lekin hujumchilar, yarim himoyachilar va himoyachilar o‘yin vaqtida to‘pga qo‘llarini tekkizishlari mumkin emas. Тo‘pni tashlash. Agarda to‘p biror jamoa o‘yinchisi zarbasidan keyin maydon tashqarisiga chiqib ketsa, o‘yin to‘xtatiladi. Тo‘pni tashlashda oyoqlar yelka kengligida kerib turiladi. Тo‘pni ushlagan qo‘llar tirsakdan sal bukiladi va yuqori ko‘tarilib, boshdan orqaga o‘tkaziladi. Gavda salgina orqaga egiladi, oyoqlar tizzasi bukilib, gavda og‘irligi tovonlarga tushiriladi. Тo‘pni o‘yinga kiritishda qo‘l barmoqlari shunday holatda bo‘ladi. Futbol maydonining yonidan to‘pni o‘yinga kiritish. Oyoq yuzining o‘rta qismi bilan to‘p tepish. Bu usul ko‘p jihatdan oyoq yuzining ichki qismi bilan tepishga o‘xshaydi. Тo‘pga kalla bilan zarba berish. Тo‘pga kalla qo‘yish o‘yin jarayonida yakunlovchi zarba berishda ham, sheriklariga to‘p oshirishda ham qo‘llaniladi.	20 daqiqa	O‘z-o‘zining xavfsizligini ta’minlash qoidalariga rioya etish. Bajarilishi kerak bo‘lgan shartlarni ko‘rsatib, tushuntirib berish.