Sinf “a” “b”

Kompyuter o'yinlarining ijobiy tomoni
Hozirgi kunda kompyuter o'yinlari bolalar dunyoqarashini, iqtidorini rivoj-lantirish bilan birga ularda kashfiyotchilik, yaratuvchanlik tomonlarini tarbiyalovchi vosita sifatida keng qo'llanilmoqda. Ayniqsa, ta'lim sohasida ko'pgina fanlarni o'zlashtirishda, xorijiy tillarni o'rganishda, bolalarning mantiqiy fikrlash qobi-liyatini aniqlash va uni rivojlantirishda o'yin dasturlarining hissasi katta.
Kompyuter o'yinlari, shuningdek, bolalarning hissiy va ruhiy holatini kuzatish va ba'zan qaysidir ruhiy muammolarni yechishga yordam beradi. Ayniqsa, olimlarning oxirgi izlanishlari kompyuter o'yinlari jarrohlik o'tkazilgan bolalar jarohatining tiklanishiga ijobiy ta'sir etayotganini ko'rsatmoqda.
Kompyuter o'yinlarining zarari
Bolalarning ko'p vaqtlarini kompyuter olamiga bag'ishlashi ularning organiz-mida ba'zi fiziologik o'zgarishlar, hatto jiddiy kasalliklarga olib kelishi hech kimga sir emas. Ko'p vaqt davomida harakatsiz o'tirish, ko'zlarga haddan tashqari zo'riqish berish natijasida ko'rish qobiliyatining susayishi, tezda holdan toyish, umurtqaning qiyshayish holatlari, bosh miya va tanada qon aylanishining buzihshi, ruhiy toliqish va tez asabiylashish holatlari kuzatiladi.
Televizor yoki kompyuter ekranidan chiqayotgan sun'iy nur bizning ko'zimizga zararli ta'sir etadi. Eng xavflisi — bolalarning qiziqish doirasi torayadi, o'zining shaxsiy olamini yaratishga intilish hamda real borliqdan uzoqlashish hollari vujudga keladi. Kattalarning gapi, nasihati ularga xuddi ortiqcha gapdek tuyuladi va qanday bo'lmasin o'z so'zini o'tkazishga harakat qiladi. Bu esa, o'yinga bog'lanib, tobe bo'lib qolish alomatlaridan biri hisoblanadi.


IV. Mavzuni mustahkamlash:
Birinchi kompyuter o'yinlari haqida nimalarni bilasiz?
Virtual ko'zoynaklar haqida ma'lumot bering.
Kompyuter o'yinlarining qanday zararli va ijobiy tomonlarini bilasiz?
O'zbekistonda kompyuter o'yinlari bo'yicha o'tkaziladigan turnirlar haqida so'zlab bering.
Siz o'ynagan o'yinlar haqida so'zlab bering. Ularning qanday ijobiy va salbiy tomonlari borligini sanab o'ting.