Sinf: 4-"V" sinf Fan: O‘qish

Matn yuzasidan guruhlarga topshiriqlar beriladi:

II. Anglash bosqichi. Bu bosqichda "Rangin qorlar" (Olloyor) ertagi (o‘qituvchi qismlarga bo‘lib kelgan bo‘ladi)ning har bir qismi guruhdagi yaxshi o‘qiydigan o‘quvchilarga o‘qitiladi. "Ifodali o‘qish" musobaqasi uyushtiriladi. Eng yaxshi o‘qigan o‘quvchi aniqlanadi va rag'batlantiriladi. Shundan so‘ng guruhlarga asar matni ichida o‘qishga topshiriladi. Guruh o‘quvchilariga quyidagi topshiriq beriladi:

• 
  Har bir guruh o‘z qismini ichida o‘qiydi. Uning mazmuniga va qahramonlariga doir savol-topshiriqlar tuzadi va konvertga solib uzatadi.
  

O‘quvchilar tuzgan savollardan namunalar:

• 
  Qadimda qorbo‘ron qanday qorlar bilan o‘ynalgan? Nima uchun? — Bo‘yoq bozori qancha yilda bir bo‘lar ekan? — Nega qorlar oq rangda yog‘ar ekan? — Bahoroy qaysi bo‘yoqlarni xarid qilibdi?
  
• 
  Kuz kelganda qozonlarda qaysi bo‘yoqlar bor edi? — Qish kelganda qozonda qaysi bo‘yoq qolgan edi? — Yoz uyqudan uyg‘onib nimani o‘ylab ketibdi? — Yoz qaysi bo‘yoqlarni olganini o‘ylab toping. — Kuz qaysi bo‘yoqlarni o‘chirib, uning o‘rniga qaysi bo‘yoqlarni surtib chiqdi? — Qish o‘z zahrini nimalarga sochadigan bo‘lib qolibdi?
  

Har bir savol va uning javobi rag‘batlantirib boriladi.