Сиқилишга, чўзилишга, эгилишга

Ишқаланиш мустаҳкамлиги. Асфальтбетон қопламада автомобиль ғилдираги билан қоплама ўртасидаги ишқаланиш кучи таъсирида ейилиш содир бўлади. Қопламаларнинг емирилиши қуйидагилар билан, яъни тўлдирувчи элементларнинг ишқаланиши, қум ва майдаланган чақиқ тош зарраларининг кўчиб кетиши билан характерланади. Қопламларнинг зичлиги юқори бўлса, унинг ишқаланиш мустаҳкамлиги ҳам юқори бўлади. Юқори маркали битумлардан ва таркиби кўпроқ чақиқ тошдан тайёрланган асфальтбетон қопламалар юзасининг (ғадир-будир) нотекисроқ бўлиши автомашиналар ҳаракатини нисбатан енгиллаштиради ва сирғанишга йўл қўймайди. Шунингдек, тормозланишини ҳам осонлаштиради ва хавфсизлик ҳолатини оширади. Ишқаланиш коэффициенти ҳар хил қопламалар учун қуйидагича бўлади (5.2-жадвал).
5.2-жадвал Қопламаларнинг ишқаланиш коэффициенти қийматлари

Қопламалар	Ҳолати
	ҳўл	қуруқ	ифлосланган
Асфальтбетон	0,5	0,75	0,3
Тош ётқизилган йўл	0,3	0,5	-
Чақиқ тош	0,4	0,65	-
Тупроқли	0,35	0,55	0,2
Қумли	0,45	0,3	-

Ишқаланиш козффициенти 0,4 дан кам бўлса, ҳалокат содир бўлиш хавфи ошади, 0,4-0,5 дан юқори бўлса, ҳаракат хавфсизлиги таъмин этилади. Ишқаланиш коэффициентини ошириш учун кўпинча ғовакли ва ғовак контакт
- тузилишли асфальтбетон ишлатилади.