|
Adabiyotlar
1. Henk J. de Vries Standardization: A Business Approach to the Role of National Standardization Organizations. Springer Science+Business Media, LLC, New York All Rights Reserved © 2000 Springer, 330 p.
2. Dr. Peter Hatto Standards and Standardization. Handbook. EUROPEAN COMMISSION, Directorate-General for Research Industrial Technologies Pictures © Shutterstock, 2010, 24 p.
3. Role of standards. A guide for small and medium-sized enterprises. Working paper. United nations industrial development organization, Vienna, 2006, 56 p.
4. Abduvaliev A.A., Latipov V.B., Umarov A.S., Alimov M.N., Boyko S.R., Xakimov O.Sh., Xvan V.I. Standartlashtirish, metrologiya, sertifikatlashtirish va sifat. O‘quv qo‘llanma. Toshkent, SMSITI, 2008. – 267 b.
5. Ismatullaev P.R., Matyakubova P.M., Turaev Sh.A. Metrologiya, standartlashtirish va sertifikatlashtirish. Darslik. «Lisson-Press». Toshkent, 2015. -423 b.
4.2 расм. Томон ўзига керакли стандартни қандай қилиб олади.
2 AMALIY MAShG‘ULOT STANDARTLASHTIRISHNING VAZIFASI, MAQSADI VA PRINSIPLARI. VAZIRLAR MAHKAMASINING 1992 YIL 2 MART 93 -
O‘ZBEKISTON RESPUBLIKASIDA STANDARTLASH ISHLARINI TASHKIL ETISH TO‘G‘RISIDA
LexUZ sharhi
Mazkur qaror O‘zbekiston Respublikasi Vazirlar Mahkamasining 2014-yil 3-martdagi 45-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish hamda ba’zilarini o‘z kuchini yo‘qotgan deb hisoblash to‘g‘risida (“O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida” O‘zbekiston Respublikasining 2013-yil 30-apreldagi O‘RQ-352-son Qonuni)”gi qaroriga asosan o‘z kuchini yo‘qotgan.
O‘zbekiston Respublikasi mustaqil deb e’lon qilinganligi munosabati bilan, standartlash, metrologiya va sertifikatsiyalash milliy respublika tizimini yaratish zaruriyatidan kelib chiqib, shuningdek, Mustaqil Davlatlar Hamdo‘stligi davlatlari o‘rtasidagi xo‘jalik, savdo, ilmiy-texnikaviy va boshqa munosabatlarni saqlab qolish, jahon mamlakatlari bilan savdo-iqtisodiy va ilmiy-texnikaviy hamkorlikdagi texnikaviy to‘siqlarni bartaraf etish maqsadida Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Vazirlar Mahkamasining 1994-yil 12-avgustdagi 410-sonli qarori bilan o‘z kuchini yo‘qotgan)
2. O‘zbekiston Respublikasining Davlat standartlash tizimining ilova qilinayotgan Asosiy prinsiplari tasdiqlansin.
3. Respublika manfaatlarini ko‘zlab, standartlash, metrologiya va sertifikatsiyalash sohasida yagona ilmiy-texnikaviy siyosatni shakllantirish, shuningdek, bu sohadagi ishlarga umumiy metodologik rahbarlikni ta’minlash uchun birlashma bazasida sobiq SSSR Davlat standartining respublika hududida joylashgan tashkilotlari imkoniyatlarini birlashtirish negizida O‘zbekiston Respublikasi Vazirlar Mahkamasi huzuridagi O‘zbekiston davlat standartlash, metrologiya va sertifikatsiyalash markazi (“O‘zdavstandart”) tashkil etilsin.
O‘zbekiston davlat standartlash, metrologiya va sertifikatsiyalash markazi zimmasiga O‘zbekiston Respublikasining standartlash, metrologiya va sertifikatsiyalash masalalari bo‘yicha milliy organi funksiyasi yuklatilsin. O‘zbekiston davlat standartlash, metrologiya va sertifikatsiyalash markazi sobiq SSSR Davlat standartining O‘zbekiston Respublikasidagi huquqiy vorisi deb belgilansin.
4. O‘zbekiston davlat standartlash, metrologiya va sertifikatsiyalash markazi tarkibiga standartlash, metrologiya va sertifikatsiyalash masalalariga ixtisoslashgan tashkilotlar kiritilib, ayni bir vaqtda quyidagi o‘zgartishlar kiritilsin:
mahsulot sifatini boshqarish, standartlash va metrologiya sohasidagi rahbar xodimlar va mutaxassislarning malakasini oshirish Butunittifoq institutining Sharq filiali — uni standartlash, metrologiya, sertifikatsiyalash va mahsulot sifatini boshqarish sohasidagi tadqiqotlar va kadrlar tayyorlash O‘zbekiston institutiga aylantirgan holda;
“Etalon” O‘zbekiston ishlab chiqarish birlashmasi;
2–“Standart” magazini;
O‘zbekiston davlat standartlash, metrologiya va sertifikatsiyalash markaziga bo‘ysunuvchi Qoraqalpog‘iston, barcha viloyatlar, Qo‘qon hamda Chirchiq standartlash va metrologiya markazlari — ularni standartlash, metrologiya va sertifikatsiyalash mintaqa markazlariga aylantirgan holda.
5. O‘zbekiston davlat standartlash, metrologiya va sertifikatsiyalash markazi to‘g‘risidagi ilova qilinayotgan Nizom tasdiqlansin. O‘zbekiston davlat standartlash, metrologiya va sertifikatsiyalash markazi bir oy muddat ichida uning tarkibiga kiruvchi tashkilotlar to‘g‘risidagi Nizomni ishlab chiqsin va tasdiqlasin.
Keyingi tahrirga qarang.
6. O‘zbekiston davlat standartlash, metrologiya va sertifikatsiyalash markazi bir oy muddat ichida O‘zbekiston Respublikasida standartlar va o‘lchov vositalari ustidan davlat nazorati to‘g‘risidagi Ustav va Nizom loyihalarini Vazirlar Mahkamasiga tasdiqlash uchun taqdim etsin.
7. O‘zbekiston davlat standartlash, metrologiya va sertifikatsiyalash markazi 1992-yilning birinchi yarmida O‘zbekiston Respublikasining Davlat standartlash tizimini ishlab chiqsin va respublikaning manfaatdor tashkilotlari bilan birgalikda tasdiqlasin. Ushbu davlat tizimiga barcha vazirliklar, idoralar, uyushmalar, konsernlar, birlashmalar, kichik va qo‘shma korxonalar, kooperativlar hamda O‘zbekiston Respublikasi hududidagi boshqa xo‘jalik organlarining amal qilishi majburiydir.
8. O‘zbekiston davlat standartlash, metrologiya va sertifikatsiyalash markazi O‘zbekistonning taraqqiyot istiqbolini belgilash qo‘mitasi, Moliya vazirligi, Adliya vazirligi, Davlat qurilish ishlari qo‘mitasi, Davlat tabiatni muhofaza qilish qo‘mitasi va Sog‘liqni saqlash vazirligi bilan birgalikda 1992-yilning II choragida standartlarni, texnikaviy shartlarni va metrologiya qoidalarini buzganlik uchun javobgarlik to‘g‘risidagi Nizomni ishlab chiqsin va tasdiqlasin.
Mazkur qaror tasdiqlangunga qadar sobiq SSR Ittifoqining davlat boshqaruv organlari tomonidan tasdiqlangan standartlarni, texnikaviy shartlarni va metrologiya qoidalarini buzganlik uchun sanksiyalarni qo‘llanish bo‘yicha amaldagi huquqiy normalarga amal qilinsin.
Oldingi tahrirga qarang.
(9, 10-bandlar O‘zbekiston Respublikasi Vazirlar Mahkamasining 1994-yil 12-avgustdagi 410-sonli qarori bilan o‘z kuchini yo‘qotdi)
11. O‘zbekiston davlat standartlash, metrologiya va sertifikatsiyalash markazi bosh direktoriga maishiy, tibbiy, sanatoriya-kurort hamda xizmat ko‘rsatishning boshqa turlari bo‘yicha vazirlar uchun nazarda tutilgan imtiyozlar, bosh direktorning birinchi o‘rinbosari va o‘rinbosarlariga vazirning birinchi o‘rinbosarlari va o‘rinbosarlariga, markaz Kengashining a’zolariga — respublika vazirliklari hay’atlari a’zolari uchun nazarda tutilgan imtiyozlar tatbiq etilsin.
Keyingi tahrirga qarang.
12. SSSR Ministrlar Sovetining “SSSRda standartlash ishlarini tashkil qilish to‘g‘risida” 1985-yil 7-yanvardagi 13-son qarori yuzasidan O‘zbekiston SSR Ministrlar Sovetining 1985-yil 22-fevraldagi 100-son qarori (O‘zSSR QT, 1985-y., 2-son, 6-modda) o‘z kuchini yo‘qotgan deb hisoblansin.
Do'stlaringiz bilan baham: |
