Sifat menejmenti va maxsulotlar xavfsizligi

Favqulotda holatlarda xavfsizlik (FHX) tizimida keltirilgan kompleks standartlarning asosiy maqsadi quyidagicha:

• 
  aholi va xalq xo‘jaligi ob’ektlarini tabiiy, texnogen, bioloik-ijtimoiy va harbiy favqulotda holatlarda xavfsizligini ta’minlash uchun barcha darajadagi (davlat, hududiy, mahalliy) favqulotda holatlarni yo‘qotish va ogohlantirish bo‘yicha chora-tadbirlarning samaradorligini oshirish;
  
• 
  favqulotda holatlar ziyonini olidini olish yoki kamaytirish;
  
• 
  favqulotda holatlarni oldini olish va yo‘q qilish bo‘yicha chora-tadbirlarni o‘tkazishda material va mehnat resurslaridan samarali foydalanish va tejash.
  

FHX kompleksiga 19.3-jadvalda keltirilgan tasnifiy guruhlar kiradi.
9.3-jadval
FHXning tasnifiy gruhlari

Guruh raqami	Nomlanishi	Kodli nomlanishi
0	Asos bo‘luvchi standartlar	Asosiy qoidalar
1	Monitoring va bashoratlar sohasidagi standartlar	Monitoring va bashoratlash
2	Xalq xo‘jaligi ob’ektlarining xavfsizligini ta’minlash sohasidagi standartlar	Xalq xo‘jaligi ob’ektlari xavfsizligi
3	Aholi xavfsizligini ta’minlash sohasidagi standartlar	Aholi xavfsizligi
4	Oziq-ovqat, oziq-ovqat xom-ashyosi va ozuqalar xavfsizligini ta’minlash sohasidagi standartlar	Oziq-ovqat xavfsizligi
5	Qishloq xo‘jaligi hayvonlari va o‘simliklarining xavfsizligini ta’minlash sohasidagi standartlar	Hayvonlar va o‘simliklar xavfsizligi
6	Suv manbalari va suv ta’minoti tizimlarining xavfsizligini ta’minlash sohasidagi standartlar	Suv xavfsizligi
7	Aloqa va xabar berish, boshqarish usullari va vositalariga standartlar	Boshqarish, aloqa, xabar berish
8	Faqulotda holatlarni tugatish sohasidagi standartlar	Faqulotda holatlarni tugatish
9	Avariya-qutqaruvni shakllantirishni texnikaviy ta’minlash, maxsus himoya vositalari va qutqaruvchilarni shaylantirish sohasidagi standartlar	Avariyali-qutqaruv vositalari
10, 11	Zaxira

“0” guruh standartlari quyidagilarni o‘rnatadi:

• 
  kompleks standartlarning (qo‘llanilishi, tuzilmasi, sinflanishi) asosiy qoidalari;
  
• 
  favqulotda holatlar xavfsizligini ta’minlash sohasidagi asosiy atama va ta’riflar;
  
• 
  favqulotda holatlarning sinflanishi;
  
• 
  mahsulot, jarayon, xizmat va xalq xo‘jaligi ob’ektlari va ularning xavfligi bo‘yicha sinflanishi;
  
• 
  favqulotda holatlar manbalarining ta’siri va paydo bo‘lishi faktorlarining nomenklaturasi va sinflanishi;
  
• 
  favqulotda holatlar manbalarining ta’siri va paydo bo‘lishi faktorlarining ruxsat etilgan darajasi (konsentratsiyasi);
  
• 
  favqulotda holatlarda texinikaviy tizim holatini metrologik nazorati qoidalari va asosiy nizomlari.