Sifat menejmenti va maxsulotlar xavfsizligi

Umumdavlat tasniflagichlari bilan ta’minlash
Foydalanuvchilarni qog‘ozda rasmiy nashr etilgan umumdavlat tasniflagichlari bilan ta’minlash davlat standartlari uchun o‘rnatilgan tartibda amalga oshiriladi.
Tarmoq standartlari bilan ta’minlash
Foydalanuvchilarni tarmoq standartlari va ularga kiritilgan o‘zgartirishlarning hisobga olingan nus’halari bilan ta’minlash ishlarini ushbu standartlarni tasdiqlagan idora tarmokda o‘rnatilgan tartibda amalga oshiradi.
Foydalanuvchilarni tarmoq standartlarining hisobga olinmagan nus’halari bilan ta’minlash O’z RN 51-023:2004 da o‘rnatilgan tartibda axborot markazlari tomonidan amalga oshiriladi.
Amaldagi tarmoq standartlari to‘g‘risida, axborot “Tarmoq standartlari” har yillik ko‘rsatkichida chop qilinadi, shuningdek MHDJ ning ma’lumotlar bazasiga ham kiritiladi. Yangitdan tasdiqlangan, almashtirilgan, bekor qilingan tarmoq standartlari to‘g‘risida va ularga kiritilgan o‘zgartirishlar to‘g‘risida axborot “Tarmoq standartlarn” har kvartaldagi axborot ko‘rsatkichida chop etiladi va MHDJ ning ma’lumotlar bazasiga kiritiladi. Ishlab chiquvchi-tashkilotlarga tarmoq standartlarining aslini ushlab turuvchilar-tashkilotlar to‘g‘risida axborot MHDJ ning ma’lumotlar bazasida bo‘ladi.
Texnik shartlar bilan ta’minlash
Foydalanuvchilarni texnik shartlar va ularga kiritilgan o‘zgartirishlarning hisobga olingan nus’halari bilan ta’minlash foydalanuvchilarni abonentlik hisobiga qo‘yish yo‘li bilan, asl nus’hani ushlab turuvchi-tashkilot tomonidan amalga oshiriladi.
Foydalanuvchilarni texnik shartlarning hisobga olinmagan nus’halari bilan ta’minlash AMM tomonidan amalga oshiriladi.
Amaldagi texnik shartlar to‘g‘risida axborot har yillik “Texnik shartlar” ko‘rsatkichida chop etiladi. Yangitdan tasdiqlangan, almashtirilgan, bekor qilingan texnik shartlar va ularga kiritilgan o‘zgartirishlar to‘g‘risida axborot har kvartaldagi “Texnik shartlar” axborot ko‘rsatkichida chop etiladi va MHDJ ning ma’lumotlar bazasiga kiritiladi ishlab chiquvchilar-tashkilotlar va texnik shartlarning asl nus’halarini ushlab turgan tashkilotlar to‘g‘risida axborot MHDJ ning ma’lumotlar bazasida bo‘ladi.