Ўсиб келаётган ёш авлод жисмоний тарбияси ва спортда инновацион технологиялар

Ўсиб келаётган ёш авлод жисмоний тарбияси ва спортда инновацион технологиялар 
Халқаро иштирокчилар ҳамкорлигида республика илмий-амалий анжумани материаллари
 
265 
- ишбилармонлик ўйинлари, моделлаштириш;
- амалиёт орқали ўқитиш, бевосита фаолият. 
Интерфаол усулларнинг барчасида ҳам ўқитувчи ва ўқувчи фаолияти ўртасидаги 
ҳамкорлик, ўқувчининг таълим жараёнидаги фаол ҳаракати кўзда тутилади. 
“Ғишт уриш” ўйини 
Ўйин тартиби. Бунда 4 нафардан ортиқ ўқувчи иштирок этиши мумкин. Ўйинда бир 
ғиштнинг остига ўқувчилар ўзларига тегишли бўлган конфет қоғозларидан биттадан қўядилар. 
Ғиштнинг орқа томонидан туриб, навбатма-навбат қўлларидаги тошини улоқтирадилар. 
Кимнинг тоши узоққа етиб борса, ўша иштирокчи тоши жойлашган жойда туриб, биринчи 
бўлиб ғиштни нишонга олади. Ғиштни уриб йиқитган ғолиб конфет қоғозларига эга бўлади. 
Ўйин шу тариқа яна бошидан давом этади. Ўйин истаганча давом эттирилиши мумкин. 
Ўйин аҳамияти. Ўқувчилар ўртасида муроса, келишувчанлик, бир-бирининг қарорини 
ҳурмат қилиш, мерганлик, аниқ мўлжалга олиш, сахийлик каби фазилатлар қарор топади. 
“Тўхта, санайман” ўйини 
Ўйин тартиби. Ўйинда 4 нафар дан ортиқ ўқувчи иштирок этиши мумкин. Бунда қўлга 
беркитилган нарсани тополмаган иштирокчи қувлоқ бўлади. У бешгача санайди ва “Тўхта!” 
буйруғини беради. Бу саноқ тугагунга қадар қолганлар юқори жойга чиқиб олиши керак. Тўхта 
буйруғини эшитгач, жойида тўхташи, қотиб туриши керак. Қувлайдиган иштирокчи эса 
уларнинг ичидан ерга энг яқин баландликда турган ўқувчини танлайди ва иккала оёғини устма-
уст қўяди ҳамда қадамини санаб, оёғининг учини баланддаги қатнашчининг оёғига теккизади. 
Агар баланддаги қатнашчининг оёғига пастдаги қувлаётганнинг оёқ учи тегса, қувлаш навбати 
тепадагига ўтади. Агар оёғи етмаса, ўйин қайтадан бошланади. 
Ўйин аҳамияти. Ўқувчиларда чаққонлик, енгил атлетикага тайёргарлик, ўзаро иноқлик, 
бир-бирига хайрихоҳлик, қалтис вазиятларда аниқ ҳаракат қилиш малакаларини 
шакллантиради.