Ўсиб келаётган ёш авлод жисмоний тарбияси ва спортда инновацион технологиялар

 
Жисмоний тарбиянинг асосий вазифалари: Мактаб ўқувчиларининг
жисмоний тарбияси жисмоний маданият тизимининг асосий бўғинларидан бири ҳисобланади. 
Негаки, мактабда мамлакатимиздаги ҳамма болалар таълим оладилар. Жисмоний маданият 
мактаб ўқув-тарбиявий ишининг ажралмас қисми сифатида ўқувчиларни ҳаётга, ижтимоий 
фойдали меҳнатга тайёрлашда етакчи роль ўйнаши лозим. 
Мустақилликка эришган бугунги кунларимизда Кадрлар тайёрлаш Миллий дастурида 
бунга айниқса, катта эътибор бериляпти. Чунки Президентимиз айтганидек, “Таълимнинг янги 
модели жамиятда мустақил фикрловчи эркин шахснинг шаклланишига олиб келади. Ўзининг 
қадр-қимматини англайдиган, иродаси бақувват, иймони бутун, ҳаётда аниқ мақсадга эга бўлган 
инсонларни тарбиялаш имконига эга бўламиз. Ана шундан сўнг онгли турмуш кечириш жамият 
ҳаётининг бош мезонига айланади”. 
Мактабдаги жисмоний маданиятга оид ишлар ўқувчиларда ҳаваскорликни, 
ташаббускорликни, уюшқоқликни талаб қиладиган жуда хилма-хил шакллар билан фарқ 
қилади. Улар ўқувчиларда ташкилотчилик кўникмалари, фаоллик, топқирликни тарбиялашга 
ёрдам беради. 
Умумий ўрта таълим мактабларида жисмоний тарбиянинг соғломлаштириш таълимий ва 
тарбиявий вазифалари амалга оширилади.  
Соғломлаштириш вазифалари. Ҳаётни сақлаш ва соғлиқни мустаҳкамлаш, жисмоний 
ривожланишни яхшилаш, организм функцияларини такомиллаштириш, чиниқиш йўли билан 
уни турли каслликларга нисбатан ҳимояланиш хусусиятларини ва чидамлилигини, ташқи 
муҳитнинг ноқулай шароитларига қаршилигини ошириш. Бундан ташқари мактаб 
ўқувчиларининг умумий иш қобилиятини ошириш ҳам муҳимдир. 
Мактаб ўқувчилари организми ривожланиши хусусиятларини ҳисобга олган ҳолда 
соғломлаштириш вазифалари жуда аниқ белгиланиши керак. Суякларнинг тўғри 
ривожланишига, умуртқа эгикларининг шаклланишига, товон равоқларининг ривожланишига, 
таянч-ҳаракат аппратининг мустаҳкамланишига ёрдам бериш; гавда қисмларининг 
(пропорционал) тўғри нисбатда ривожланишига, суяклар ўсиши ва массасини бир тартибга 
солишга ёрдам бериш; барча мускуллар гуруҳини ривожлантириш (гавда, оёқ, қўл, елка камари, 
панжа бармоқлари, товон, бўйин, кўз; ички органлар – юрак, қон томирлар нафас олиш 
органлари ва бошқалар);
Юрак, қон-томирлари ва нафас олиш тизимлари фаолиятини такомиллаштириш, яъни 
юракка қон оқишини кучайтириш, унинг қисқариши ритмини яхшилаш ва тўсатдан ўзгарадиган 

---