Шўрланган ва шўрланмаган тупроқ иқлим шароитларида, турли суғориш тизимларини қиёсий таҳлиллари асосида тезпишар навлар яратиш

1-расм. Шўрланган ва шўрланмаган тупроқ шароитларида Оилаларнинг 50% кўсакларни гуллаш даври бўйича кўрсаткичлари

2-расм. Шўрланган ва шўрланмаган тупроқ шароитларида ғўза оилаларнинг 50% кўсакларни очилиш даври бўйича кўрсаткичлари
Айнан шу оилалар ва тизманинг “униб чиқиши-50 %, кўсаклар очилиши” бўйича олинган маълумотларда тезпишарлиги намоён бўлиб (1-расм), шўрланмаган тупроқ шароити, мақбул суғориш (1-2-1) тизимида оилаларда 50% кўсакларнинг очилиши ўртача 107-109 кунни, сув танқислиги (0-1-0) шароитида эса ўртача 101-108 кунда кўсаклар очилганлиги, шўрланган тупроқ иқлим шароити, мақбул суғориш (1-2-1) тизимида кўсакларнинг очилиши оилаларда ўртача 108-113 кунни, сув танқислиги (0-1-0) шароитида эса 109-115 ташкил этди. Ушбу белги кўрсаткичи бўйича андоза С-6524 ва Ан-Боёвут-2 навларида шўрланмаган тупроқ иқлим шароити, мақбул суғориш тизимида 113-115 кунни, шўрланган тупроқ иқлиш шароитида эса 109-117 кунни ташкил этиб, ўрганилаётган оилаларга нисбатан 3-5 кунга, шўрланмаган ва шўрланган тупроқ иқлим шароитларига нисбатан 2-6 кунга кечроқ очилганлиги қайд этилди. Шўрланмаган тупроқ иқлим шароити, мақбул суғориш тизимида О-10-11 оиласи ва Т-14-16/14 тизмасида 7 кунга, шўрланган тупроқ шароити, мақбул суғориш тизимида ушбу оила 108 кунга тизмада эса 109 кунга кўсаклар очила бошлаган бўлса, андоза нав сифатида иштирок этган навларда эса бу кўрсаткичлар мос равишда 115, 113, 117 ва 116 кунларни ташкил этиб, кўсакларнинг очилиши тизма нисбатан 6-9 кунга кеч эканлиги кузатилди. Тадқиқотлар натижаларига кўра, ушбу белги бўйича ажратиб олинган оилаларнинг барчаси андоза нав даражасида ёки ундан устун эканлиги кузатилди. Т-14-16/14 тизмаси генотипга нисбатан шаклланиб, униб чиқишдан 50% гуллашгача ва униб чиқишдан 50 % пишишгача бўлган давр бўйича андоза С-6524 ва Ан-Боёвут-2 навларига нисбатан 2 кунга эрта гуллагани, ва 6, 9 кунга тезпишар бўлганлиги қайд этилди.
Хулоса. Тезпишарлик бўйича тадқиқотлар натижасида ажратилган оилалар орасидан мақбул суғориш тизими ва сув танқислиги (0-1-0) шароитида О-17-19 оиласини ва мураккаб дурагайлардан ажратилган Т-14-16/14 тизмасини белгини яхшилашда амалий селекция жараёнида фойдаланиш мақсадга мувофиқдир.
Фойдаланилган адабиётлар рўйхати
1. Тоғаев Б., Халманов Б., Сув танқислиги шароитида ғўза кўсак вазнининг ўзгарувчанлиги. // Агроилм. –Тошкент,2010. №4 (16). –Б.7.
2. Сейтмусаев А.И., Тишин А.И. Отбор на скороспелость и продуктивность в старших поколенях гибридов. // В.сб: Вопросы генетики, селекции и семеноводство хлопчатника. – Ташкент, 1991. – С.59-64.
3. Мирахмедов С.М. Внутривидовая отдаленная гибридизация хлопчатника G.hirsurum L. на вилтоустойчивость. – Ташкент, 1974. – С.54-90
4. Страумал Б.П. Сорта хлапчатника с основами селекции. – Ташкент, 1974. –214 б.