Shovot tuman prokuraturasining

Shovot tuman prokuraturasining 12.11.2021 yildagi 9/-21-2454-sonli xatiga asosan Shovot tumanidagi ayrim maktablarda o‘tkazilgan o‘rganish
MA’LUMOTNOMASI
2021-yil 26-noyabr

Shovot tuman prokuraturasining 2021-yil 12-noyabrdagi xatiga asosan viloyat xalq ta’limi boshqarmasining 2021-yil 17-noyabrdagi 235-x/b-sonli buyrug‘i bilan, Shovot tumanidagi 5-, 27-, 29-, 32-, 36-, 37-, 38-, 48-sonli jami 8 ta maktablar tanlanma tarzda o‘rganildi.

O‘rganish davomida mazkur maktablarda “Ta’lim to‘g‘risida”gi qonun ijrosi va o‘quv jarayoni DTS asosida tashkil etilayotganligi, moddiy-texnika bazasi, o‘quvchilar davomati, dars mashg‘ulotlarining mutaxassislari tomonidan o‘qitilayotganligi va boshqa tegishli holatlar yuzasidan quyidagilar aniqlandi:


Ta’lim muassasa direktori tomonidan qabul qilingan huquqiy hujjatlar hamda pedagogika kengashi qarorlarining qonuniyligi va asosliligi, jismoniy va yuridik shaxslarning murojaatlari bo‘yicha ishlar ahvoli;
O‘rganilgan maktablarning rasmiy hujjatlari, ya’ni buyruq daftarlari, yig‘ilish bayonnomalarini rasmiylashtirish daftarlari, shuningdek ijro-intizomi bo‘yicha tegishli daftarlar axvoli o‘rganildi, bunda:
48-son maktablarning direktorlari tomonidan bugungi kunga qadar nazorat etilmaganligi oqibatida murojaatlar va ijro-intizomi bo‘yicha tegishli daftarlar to‘liq yuritilmasdan kelinayotganligi aniqlandi va xatto ayrimlari mavjud xam emas, o‘z vaqtida yuritilmasdan bugungi kunda daftarga qayd etilmoqda.
32-maktabning buyruq daftari va murojaatlarni qayd qilish daftari shnurlanmagan. Kirim qilingan xat, buyruq va boshqalarni qayd qilish daftarlari taqdim etilmadi.
27-maktabda murojaatlarni qayd qilish, xat va buyruqlar, qaror va farmonlarni qayd qilish daftarlari taqdim etilmadi.
5-maktabning ijro-intizomi bo‘yicha yuritilishi lozim bo‘lgan tegishli daftarlari taqdim etilmadi.
O‘zbekiston Respublikasi xalq ta’limi vazirligining 2019-yil 7-dekabrdagi 393-sonli buyrug‘iga asosan “Xalq ta’limi hodimlari asosiy lavozimlarining malaka tavsiflari” tasdiqlangan. Mazkur buyruqning 2-bob 1-§.da Umumiy o‘rta ta’lim maktabi (maktab internat) direktori lavozimining malaka tavsiflari keltirilgan bo‘lib, i) bandida “Ijro, mehnat va ishlab chiqarish intizomiga rioya qilinishini ta’minlash” - lavozim vazifasi qilib belgilangan.
Shunday bo‘lsada 48-son, 32-son, 27-son va 5-son maktab direktorlari tomonidan o‘z lavozim vazifalarini tushunmasligi yoki o‘zining mas’uliyatsizligi yoki davlat qonunlariga bepisandlik nazari bilan qarab kelganliklari oqibatida o‘zining lavozim vazifalarini to‘liq bajarmaganlar.


Maktabning hamda maktabdagi rahbar xodimlarning ish rejalari axvoli;
O‘rganilgan maktablarda maktab va rahbar xodimlar ish rejalari mavjud va tasdiqlangan, biroq:
48-son maktab direktori (M.Ro‘zmetov)ning ish rejasi taqdim etilmadi.
27-maktabning MMIBDO‘ (M.Ibadullayeva)ning ish rejasida xato va kamchiliklar mavjud, shuningdek ish rejaning bajarilishi ham qoniqarsiz axvolda.
36-son maktab MMIBDO‘ (S.Yangiboyeva)ning ish rejasida ko‘rsatilgan, ya’ni qilinishi lozim bo‘lgan ishlarning bajarilishi yaxshi emas.