Шөлкемлестириў илажлары

V-бап. Шөлкемлестириў илажлары.
§1. Жумысты қәўипсиз түрде алып барыў ушын төмендеги
шөлкемлестириў илажлары орынланыўы тийис.
45. Жумысты қәўипсиз ислеў ушын төмендеги шөлкемлестириў илажлары әмелге асыры-
лыўы шәрт:
Жумысты кәўипсиз алып барыў ушын жуўапкер адамларды таярлаў;
Наряд ямаса бийлик бериў;
Жумыс орнын таярлаўға ҳәм иске қосыўға рухсатнама бериў;
Жумыс орнын таярлаў ҳәм иске қосыў;
Жумыс бабында бақлаў;
Басқа жумыс орнына көшириў;
Жумыста тәнепис ҳәм оның тамамланыўын рәсмийлестириў.
46. Жумыс ўақтында жумысты қәўипсиз алып барылыўға төмендеилер жуўапкер болып та-
былады:
Наряд ямаса бийлик етиўши;
Жумыс басшысы (Руководитель работ);
Жумыс орнын таярлаўға ҳәм иске қосыўға рухсатнама бериўши исши;
Жумыс орнын таярлаўшы исши;
Иске қосыўшы (Допускающий);
Жумыс алып барыўшы;
Бақлаўшы (наблюдающий);
Бригада ағзалары.
47. Наряд ямаса бийлик бериўшилер жуўап береди:
Наряд ямаса бийлик бериўши жумыстың қәўипсиз орынланыўына, нарядта көрсетилген қәўипсизлик илажлардың жетерлигине, дурыслығына ҳәм бригада қурамы саныны туўры келиўине, сапалығына, нарядтағы исшилердиң электр қәўипсизлиги топарларының исленип атырған жумысқа сәйкес келиўине жуўап береди.
48. Наряд ямаса бийлик бериўшилер кимлер:
- Наряд ямаса бийлик бериў ҳуқықы кәрхана ҳәм оның структуралық бөлимлериниң V-топарға ийе административ техникалық исшилерине бериледи.
- Кешиктирип болмайтуғын жумысларда, наряд бериўге ҳуқықы бар административ-техникалық исшилер жоқ жағдайларда, наряд ямаса бийлик бериў ҳуқықы усы электр
үскенелеринде ислеў ҳуқықы бар IV-топарға ийе нәўбетши исшилерге бериледи.
- Бул жағдайларда нәўбетши исшилерге наряд ямаса бийлик бериў ҳуқықы кәрхана бас-
шылары тәрепинен жазба түрде рәсмийлестириледи.
49. Жумыс басшысы (Руководитель работ):
- Жумыс басшысы - нарядта көрсетилген барлық қәўипсизлик илажларының орынла-ныўына ҳәм жетерлигине, жумыс алып барыўшы ҳәм иске қосыўшы тәрепинен бригадаға көрсетпениң жетерли, толық ҳәм сапалы өткерилиўине, жумысты қәўипсиз алып барылыўын шөлкемлестириўге жуўап береди.
- Жумыс басшысы етип V-топарға ийе инженер техник хызметкерлер белгиленеди. Жумыстың айырым этаплары жумыс басшысының үзликсиз басшылығында ҳәм бақлаўында алып барылыўы тийис болғанда наряд бериўши, нарядтың бөлек көрсетпе (отдельное указание) қатарына жазып қояды.
50. Жумыс орнын таярлаўға ҳәм иске қосыўға рухсатнама бериўши исшиниң жуўапкерши-
лиги.
Жумыс орнын таярлаўға ҳәм иске қосыўға рухсатнама бериўши исши жумыс ислеў ушын көзде тутылған электр үскенени өшириў ҳәм жерге жалғаў бойынша илажлардың жетелигине ҳәм оларды орынлаў мүмкинлигине ҳәмде иске қосылған бригаданың жумыс орны ҳәм ўақыттың сәйкеслигине жуўап береди.
Жумыс орнын таярлаўға ҳәм иске қосыўға рухсатнама бериўши исши алдын ала электр үскенениң өширилгенлигине ҳәм жерге жалғағыш қойыў бойынша операциялар-дың орынланғанлығы ҳаққында нәўбетшиге, жумыс орнын таярлаўшы тез-ара исшиге, иске қосыўшыға хабарлаўы тийис.
Жумыс орнын таярлаўға ҳәм иске қосыўға рухсатнама бериў ҳуқықы IV-топарға ийе, лаўазымлық қолланбасына мас нәўбетши исшиге, сондай-ақ административ техникалық исшилерге бериледи.
51. Жумыс орнын таялаўшы исши жуўап береди:
Жумыс орнын таялаўшы исши жумыс орнын таялаў бойынша нарядта көрсетилген илажлардың дурыс ҳәм анық орынланыўына ҳәмде жумыс шәрти бойынша талаплардың (қулып қойыў, плакат қыстырыў, қоршалаўлардың) орынланыўына жуўап береди.
Жумыс орнын таярлаў ҳуқықы нәўбетши исшиге ямаса тез-ара оңлаў исшилерине бериледи.
52. Иске қосыўшы (Допускающий) жуўап береди:
Иске қосыўшы (Допускающий) нарядта көрсетилген қәўипсизлик илажларының дурыслығына ҳәм жетерлигине, солардың орынланыўының маслығына, жумыс орны ҳәм характерине, жумысқа иске қосыўдың дурыслығына, көрсетпелердиң толық ҳәм сапалы өткерилиўине жуўап береди.
Иске қосыўшы етип, нәўбетши ямаса тез-ара оңлаў исшиси белгиленеди. 1000 В жоқары электр үсенелеринде иске қосыўшы IV-топарға ийе болыўы, ал 1000 В қа шекемги электр үскенелринде III-топарға ийе болыўы тийис.
53. Жумыс алып барыўшының ўазыйпасы ҳәм ҳуқықы:
Жумыс орнын нарядта көрсетилгендей етип таярланыўына;
Бригада ағзаларына көрсетпениң анық ҳәм толық өткерилиўине;
Керекли қорғаныў қуралларының, әсбаплардың, инвентарь ҳәм масламалардың барлығына, оларды дурыс ҳәм туўры қолланыўына;
Жумыс орнында қулпырыўшы қурылмалардың, қәўипсизлик плакатлардың ҳәм белгилердиң, қорғаўлардың сақланыўына;
Жумысты қәўипсиз түрде алып барылыўына ҳәм қәўипсизлик қәделердиң сақланыўына.
Жумыс алып барыўшы бригада ағзалары үстинен үзликсиз қадағалаў жүргизиўи, бригада ағзалары алкогольли ишимлик ишкен жағдайда жумыстан шетлеттириледи.
Жумыс алып барыўшы 1000 В тан жоқары электр үскенелеринде жумыс ислегенде IV-топарға ийе болыўы, ал 1000 В қа дейинги электр үскенелеринде III-топарға ийе болыўы тийис.
Жер асты қурылмаларында жумыс ислегенде зәҳәрли газлер ҳәм кернеўлик пайда болыў мүмкинлиги болғанда жумыс алып барыўшы IV-топарға ийе болыўы тийис.
54. Бақлаўшы (Наблюдающий) жуўап береди:
Бақлаўшы электр үскенелеринде өз бетинше жумыс ислеў ҳуқықына ийе емес бригада исшилери үстинен бақлаў жүргизиў ушын белгиленеди.
Бақлаўшы жуўап береди:
Наряд көрсетпесине муўапық жумыс орнының таярланыўына;
Приводларды қулпырыў үскенелериндеги қәўипсизлик плакатлары ҳәм белгилердиң, жерге жалғағыш ҳәм қорғаўлардың жумыс орнында барлығына ҳәм сақланыўына;
Электр үскенеде тоққа түсип қалмаў ушын бригада ағзаларының қәўипсизлигин тәмийинлеўге.
Жумыс технологиясына байланыслы қәўипсизлик ушын бригаданы басқарыўшы жуўапкер болады ҳәм ол ҳәмме ўақыт жумыс орнында болыўы тийис, оның фамилиясы нарядтың бөлек көрсетпе қатарында көрсетиледи.
55. Ҳәр бир бригада ағзасы ҳәрекеттеги қағыйда ҳәм инструктив көрсетпелерди жумысқа иске қосыўда ҳәм жумыс бабында ҳәмде мийнетти қорғаў бойынша жергиликли қоллан-балардың талапларын орынлаўы тийис.
56. Исшилерге наряд бериўши, бийлик етиўши, жумыс басшысы, жумыс алып барыўшы, иске қосыўшы ҳәм өз бетинше электр үскенелерин көзден өткериў ҳуқықы кәрхана басшысының жазба көрсетпеси менен рәсмийлестириледи.
57. Жуўапкер адамлардың ўазыйпаларын бириктиргенде усы қағыйданың №4-қосымшасын-да көрсетилген ўазыйпалардың биреўин орынлаўы мүмкин.:
Ҳаўа линияларында жумыс басшысы ямаса оңлаў исшилеринен болған жумыс алып барыўшыға иске қосыўшы миннетин бириктириўге сол жағдайда жол қойылады: Жумыс орнында коммутация аппаратлары менен операция етпей, тек кернеўлик жоқлығы тексерилип, жерге жалғағыш қойыў талап етилгенде.