Шөлкемлестириў илажлары

электрден қорғаў қураллары – электр қурылмаларында жумыс ислеўши адамларды электр тоги урыўынан, электромагнит майданы ҳәм электр дугасынан сақлаў ушын алып жүрилетуғын ҳәм көшпели қорғаў қураллары.
электр үскенеси – электр энергиясын пайда етиўши кернеўликти өзгертиўши, узатыў-шы, бөлистириўши ҳәм қабыл етиўши үскенелер.
жергиликли нәўбетшиси жоқ электр үскенеси – тез-ара ҳәрекеттеги бригада ямаса тез-ара оңлаў хызметкерлари тәрепинен қарап турылатуғын ҳаўа ҳәм кабель линиялары ҳәмде электр үскенелери.
исленетуғын электр үскене – кернеў астында болған ямаса коммутацион аппараты қосыў менен кернеў бериў мүмкин болған электр үскенелери ямаса оның бөлимлери.
1000 Вольтан төмен ҳәм жоқары кернеўли электр үскенелери– кернеўи 1000 Вольт-тан төмен ҳәм жоқары болған электр үскенелери (ислеп турған электр үскенелериниң әмелдеги кернеўликтиң мәнисине қарап) усы қағыйданың талабына қарай 1000 В дейинги
кернеў көрсеткиши, кернеўи 42 В жоқары болған электр үскенелерине тийисли.
II-бап. Улыўма талаплар.
2. Усы қағыйдаға муўапық жумыс орнында қолланылатуғын қорғаныў қураллары мәмлекетлик стандарт талабына ҳәмде «Электр үскенелеринде қорғаныў қуралларын қоллаў ҳәм сынаў қағыйдалары»на жуўап бериўи шәрт.
3. Жумысларды ислеўде қолланылатуғын механизмлер ҳәм жүк көтериў механизмлери, компрессор ҳәм ҳаўа жыйнаўшы қурылмалар, әсбап ҳәм әнжәмлар сыналған болыўы ҳәм мийнетти қорғаў талапларына, «Саноатконтехназорат» Мәмлекетлик инспекциясы қағый-даларына ҳәм әсбап ҳәм әнжәмлар жәрдеми менен жумыс орынлаўда қәўипсизлик қағый-даларына сондай-ақ ислеп шығарған завод көрсетпеси талабына муўапық ислетилиўи керек.
4. Ислеп турған электр үскенлеринде қурылыс ҳәм монтаж жумысларын орынлап атырған-да қурылыс нормалары ҳәм қағыйдалары (КМК) талапларына, яғный қурылыста қәўип-сизлик техникасы қағыйдасы талапларын орынлаў шәрт.
5. Исшилердиң ҳәм хызметкерлердиң мийнетти қорғаў бойынша көрсетпеси усы қағыйдаға сәйкеслестирилиўи керек.
Ҳәр бир ислеўши қағыйда талапларына қайшы келген яки қағыйда талапларын орынламаў ҳәм электр үскенелериндеги адам өмири ушын қәўип туўдырыўшы бузықлықты, жумыс алып барыў ўақтында пайдаланылған машина, механизм, әсбап, әнжамлар ҳәм қорғаў қуралларының бузықлықларына оңлаў илажларын көре алмаса тезде жоқары турыўшы басшыларға бул ҳаққында хабар бериўи шәрт.
6. Усы қағыйдаға қарсы келетуғын бийлик ҳәм тапсырмаларды орынлаў қадаған етиледи.