§ 4. Муфтаға қуйылатуғын араласпа менен ислеў 288. Муфтаға қуйылатуғын араласпа қақпақлы ҳәм мурны бар арнаўлы металл ыдыста еритилиўи зәрүр.
Қақпағы ашылмаған банкадағы араласпаны еритиў қадаған етиледи.
289. Муфтаға қуйылатуғын қайнамалы араласпа менен ислегенде брезент қолғап ҳәм қорғаў көз әйнеклеринен пайдаланыў зәрүр.
Кийимниң жеңи қолғап сыртына шығарылып жең ишинен байланған болыўы ямаса шығанаққа шекем кийилетуғын қолғаптан пайдаланыў керек.
Қайнамалы араласпа ҳәм ериген қатыспа ыдысын қолдан қолға бериў қадаған етиледи.
Оны қолдан қолға узатқанда жерге ямаса беккем тийкарға қойып узатыў зәрүр.
290. Муфтаға қуйыў ушын еритилген араласпаны ямаса қатыспаны алдыннан қыздырылған металл таяқ ямаса қасық жәрдеминде араластырылыўы зәрүр. Қызған араласпа ҳәм қа-тыспа ишине суў тамшысының түсиўине жол қойылмайды.
291. Жылдың суўық ўақытларында қыздырылған араласпаны муфтаға қуйыўдан алдын оны ысытыў зәрүр.
§ 5. Кабеллерди жатқызыў, кабель ҳәм муфталарды басқа жерге көшириў. 292. Кабель барабаны менен домалатылғанда ислеўшиниң кийимлерин барабан бөлеклери илип кетпеслигине жол қоймаслық илажларын көриў зәрүр.
Кабель барабаны менен тек кесе тегислик бойынша қатты жерде ямаса тормоз әнжамы болған жағдайда беккем төселген полда домалатыўға рухсат етиледи.
Кабель, бос барабан, механизм ҳәм басқа әсбап үскенелер шуқырдың омырылыў приз-масы сыртында ҳәм траншея шетинен 1 метрден узақ жерге жайластырылыўы керек.
293. Егер кабель қол менен жатқызылатуғын болса улыўма исшилер саны ҳәр бир ер адам ушын кабель бөлегиниң аўырлығы 35 кг, ҳәйел-қызлар ушын 15 кг есапбынан анықла-ныўы керек.
Жумыс брезент қолғапта орынланыўы зәрүр.
294. Кабелди жатқызыў ўақтында ислеўшилердиң айланыў мүйешлери ишинде турыўы ҳәм мүйешлерде кабелди қолда услап турып узатыў қадаған етиледи. Бундай мақсетлер ушын мүйеш роликлери орнатылыўы керек.
295. Кабелди электр тоги менен ысытыў ушын кернеўи 380 Вольттан жоқары болған транс-форматорлардан пайдаланыў қадаған етиледи.
296. Кабель ҳәм муфталарды басқа жерге көшириўде кабель линиясы өширилгеннен соң орынланыўы керек.
Кернеў астында болған кабеллерди басқа жерге көшириў, төмендеги тәртипте орын-ланғаннан кейин рухсат етилиўи мүмкин:
көширилиўи керек болған кабелдиң температурамы 50С дан кем болмаслығы;
көширилиўи керек болған кабел бөлегиндеги муфта ағаш тахтаға хомутлар менен қатты беккемленген болыўы;
жумыс ўақтында диэлектрик қолғап кийип үстинен механикалық бузықлықтан қорғаў ушын үстинен брезент қолғап кийип ислеўи;
жумыслар кабель жатқызыў тәжирийбесине ийе болған исшилер тәрепинен V-топарға ийе болған ислеўши қадағалаўында орынланыўы шәрт.