Shikaslanish Kasb kasalliklari, baxtsiz xodisalarini tekshirish xisobga olish reja

Jarohatlar, kasbiy kasalliklar va zararlanishning asosiy sabablari
To’qimachilik sanoatida uchraydigan jarohatlar, kasbiy kasalliklar va zaharlanishlarning sabablari juda xilma-xildir. Ularni asosan 4 guruhga: tashkiliy sabablar, gigienik sabablar, texnik va ruhiy-fiziologik sabablarga bo’lish mumkin. Ruhiy-fiziologik sabablar 1-bobda etarlicha o’rganib chiqildi.
Tashkiliy sabablar:
- xavfsizlik texnikasi, sanoat sanitariyasi va yong’in xavfi bo’yicha, yo’riqnomaning umuman o’tkazilmaganligi yoki sifatsiz o’tkazilganligi;
- ish joylarining noto’g’ri tashkil etilganligi, korjomalarning va shaxsiy himoya vositalarining shu ish jarayoniga mos kelmasligi;
- ish joylari, yo’lak va transport yo’llarining to’silib qolishi;
- sexlarni va konstruktiv elementlarni changdan sifatsiz tozalash;
- dastgoh va mashinalarni sozlash jadvallarining buzilishi;
- mos kelmaydigan asbob va uskunalarni qo’llash;
- mehnat muhofazasi haqidagi qonun va yo’riqnomalarning buzilishi;
- ish vaqtidan tashqari ishlash;
- mehnat muhofazasi tadbirlarini targ’ibot va tashviqot qilish ishlarining sustligi;
Gigienik sabablar:
- oqava suvlardagi va havodagi zararli moddalarning yuqori kontsentratsiyasi mavjudligi;
- nobop iqlim sharoitlari;
- yoritilganlikning etarli emasligi yoki yoritgichlarning noqulay o’rnatilganligi;
- sexlarda shovqinning me’yordan ortiq bo’lishi;
- sanitariya-maishiy xonalarning etishmasligi yoki ularni yomon holatda saqlanishi;
- har bir ishchiga to’g’ri kelishi kerak bo’lgan maydon va hajm bo’yicha qurilish me’yorlarining buzilishi;
- ishchi va hizmatchilarni tibbiy ko’riklardan o’tkazish jadvallarining buzilishi va boshqalar;
Texnik sabablar:
- mashina va uskunalarning konstruktiv kamchiliklari, ya’ni uskunalar konstruktsiyasining mukammal emasligi, ularning sexda noma’qul joylashtirilishi;
- uskuna, mexanizmlarning nosozligi;
- og’ir va sermehnat ishlarning etarli mexanizatsiyalashtirilmaganligi;
- mashina va dastgohlarning xavfli joylari to’silmaganligi yoki to’siqlarning noto’g’ri konstruktsiya qilinganligi, xavfsizlik to’siqlari qilinmaganligi;
- mashina va uskunalarning sexlarda joylashtirish me’yorlarining buzilishi;
- asbob va uskunalarning mukammal emasligi yoki ularning nosozligi va boshqalar.