She’riyat daqiqasi Prezident tashabbusi

Begim sizni tabiat…

Begim sizni tabiat…

Begim sizni tabiat tabiat raso qilib yaratgan,

Kimlarnidir o`ychan-u, sizni kulib yaratgan .

Nogahon berib qo`yib bu husnni, kamolni

O`zi ham rashk, hasadga to`lib-to`lib yaratgan

Qiya tushgan nigohni armonga yo`ymagaysiz,

Qiz qalbiga sevmoqni osonga yo`ymagaysiz.

Qiynamangiz, u o`zi o`rtanguchi bir bag`ir,

Bu bag`irni kenglikda osmonga yo`ymagaysiz.

Siz xuddiki Farhodsiz, Shirin qaydadir, begim,

Orzularim dilda-yu, nolam naydadir begim.

Siz desam, bar tutqazmay sochilgan o`ylarimday

Bu tong qaro sochlarim mayda-maydadir begim

Sizni men o`zimga ham loyiq ko`rmam, rosti gap,

Sizni men o`zimga ham loyiq ko`rmam, rosti gap,

O`zgaga bermoq esa tushimga kirmas uxlab

O`zga bilan ketsangiz, ravon yo`llar qolmasin

Begim, ikkilanmasdan yer yuzin tashlang mixlab.

Mixning, tig`ning zaxrini sezmay yonib boraman,

Ishq zardobi sharobdir, qonib-qonib boraman

Hech kim bilan sirlashmay, hech kimsaga tutmay may

O`z qonim bilan o`zim alvonlanib boraman.

Hayratlarda qotgaysiz, meni ko`rganda ul dam,

Yoningizdagi sovuq suluvdan sovursiz ham

Sizni obdon muzlatgach, o`zim qaytarman chunki,

Bungacha yo`q sadoqat,bundan so`ng ham bo`lar ham

O`zga tortmam cheksam ham shuncha jabru-jafoni

O`zgaga ham bermasman, Sizdek bir bevafoni

Begim, Sizni tabiat raso qilib yaratgan.

Guliston shahrida Halima Xudoyberdiyeva nomidagi ona tili va adabiyoti fanini chuqur o‘qitishga ixtisoslashtirilgan maktab-internatni binosi foydalanishga topshirildi

2017 yil 17 mayda oʻzbek sanʼati va adabiyotini rivojlantirish, yosh avlodni milliy va umuminsoniy gʻoyalar, Vatanga sadoqat ruhida tarbiyalash ishiga katta hissa qoʻshgani, koʻp yillik samarali ijodiy faoliyati hamda tavalludining 70 yilligi munosabati bilan Halima Xudoyberdiyeva Prezident Shavkat Mirziyoyev farmoni bilan “El-yurt hurmati” ordeni bilan mukofotlandi.

O‘zbekiston xalq shoiri Halima Xudoyberdiyeva 17-avgust kuni 71 yoshida vafot etdi.

Mavzuga doir savollar:

Mavzuga doir savollar:

• Halima Xudoyberdiyevaga nechanchi yili “O`zbekiston xalq shoirasi” unvoni berildi?
• Shoira “Muqaddas ayol” to’plami uchun qachon Respublika Davlar mukofotiga sazovor bo’ldi?
• Halima Xudoyberdiyevaning ilk she’riy majmuasi qaysi va nechanchi yili chop etilgan?
• U qaysi davlat arbobining nazariga tushdi?
• Shoiraning qaysi she’rlari rus tiliga tarjima qilinib Moskva va Toshkentda bosib chiqarildi?