Shaxs taraqqiyotning yoshga bog’liq xususiyatlari

2. Ta'lim

Bolaning xulq-atvori va faoliyati rivojini o`rganar ekanmiz, bitta eng muhim faktga duch kelamiz. Bolada bir nechtagina oddiy shartli reflekslardan tashqari unda keyinchalik kuzatiladigan boshqa barcha xulq-atvor shakllari va faoliyat turlari oldiniga yo`q, bo`ladi.

Amaliy va kommunikativ xulq-atvor, mo`ljal olish va izlanish faoliyati, ushlash va u yoq-bu yoqqa surish, emaklash, yurish, gapirish va o`ynash, mehnat qilish va sotsial jihatdan birgalikda harakat qilish bola tug`ilganidan so`ng ma'lum bir vaqt o`tgach paydo bo`ladi va rivojlana boshlaydi. Buning ustiga xulq-atvorning har qanday shakli va faoliyatning har bir turi o`zining paydo bo`ladigan muayyan davrlariga, shakllanish sub'ektlariga va o`zining qayta qurilish hamda murakkablashish bosqichlariga ega bo`ladi.

Ularning hammasi bolaning rivojlanish faktlari hisoblanadi, bu faktlar esa undagi muayyan tug`ma asos va nasliy programmalar bilan, organizmning rivojlanishi va anatomik-fiziologik jihatdan yetilishi, uning oliy nerv faoliyati funktsional mexanizmlarining shakllanishi va murakkablasha borishi bilan bog`liq bo`ladi.

Shunday bo`lsa-da na xulq-atvorning bu shakllaridan birontasi, na shu faoliyat turlaridan birontasi tashqi muhit shart-sharoitlaridan mustasno holda, o`zicha avtomatik tarzda paydo bo`lmaydi. Ularning barchasi bolaning amaliy va sotsial tajribasi asosida, unipg tevarak-atrofdagi odamlar va buyumlar bilan o`zaro birgalikdagi harakati tufayli paydo bo`ladi va rivojlana boradi. Bola «odamga aylanishi» jarayonida qanday tajriba orttirgan bo`lsa, o`rganish faktlari, ya'ni tajribaning o`zlashtirilishi hisoblanadi. Kishi xulq-atvori biologik tajriba bilam emas, balki sotsial tajriba bilan belgilanadi. Sotsial tajriba esa biologik yo`l bilan o`tkazilishi mumkin emas. U organizmning xossalari bilan emas, balki kishi yashayotgan xususiyatlari bilan belgilanadi.

Biologik yo`l bilan nasldan-naslga faqat organizmning sotsial tajribani, xulq-atvor va faoliyatning insoniy shakllarini amalda o`zlashtirish uchun zarur bo`lgan ayrim xususiyatlarignna o`tishi mumkin. Bola xulq-atvorining tug`ma biologik xususiyatlarga oldindan qat'iy holi ekanligi uning xayvon bolasiga nisbatan eng muhim afzalligi hisoblanadi. Ana shunday afzallik tufayli kishi xulq-atvori turlari va faoliyati usullari evolyutsiyasining boshlanishi uning organizmining biologik rivojlanishi bilan emas, balki jamiyatning tarixiy rivojlanishi bilan begilana boshladi.

Shunday qilib, o`rgatish bolada xulq-atvorning va borliqni aks ettirishning insoniy shakllarini hosil qilishga yordam beradigan yetakchi rivojlanish omili sifatida amal qiladi.

Lekin bola xulq-atvori va faoliyatining biz hozirga qadar ko`rib chiqqan barcha turlarida ushbu pirovard natija, ya'ni ijtimoiy tajribaning o`zlashtirilishi faoliyatning aynan o`z maqsadlariga to`g`ri kelgani yo`q. Bola buyumlarni biron-bir narsani o`rganish uchun u yoqdan-bu yoqqa surmaydi. U dastlabki qadamlar qo`yayotganida va ilk bor gapirishga urinayotganida yurish va gapirishni o`rganishni maqsad qilib qo`ymagan bo`ladi. Uning xatti-harakatlari tekshirib ko`rishga, faollik ko`rsatishga, buyumlarga egalik qilishga, tevarak-atrofdagilarga ta'sir o`tkazishga va shu kabilarga bo`lgan bevosita ehtiyojlarini qondirishga qaratilgandir. Tegishli harakatlarning va axborotning o`zlashtirilishi shu sababdan ham bola uchun maqsad emas, balki tegishli ehtiyojlarni qondirish vositasi sifatida xizmat qiladi.

Faoliyatning alohida turi bola hayotida sodir bo`ladigan vaqt ham yetib keladi. Bu maqsadi bevosita muayyan axborotni, harakatlarni, xulq-atvor shakllarini o`zlashtirishga qaratilgan faoliyatdir. Sub'ektning o`rganishni o`ziga maqsad qilib olgan, bunday o`ziga xos faoliyati ta'lim deb ataladi. U quyidagilardan tarkib topadi:

a) ideal va amaliy faoliyatning u yoki bu turini muvaffakiyatli tashkil etish uchun zarur bo`lgan tashqi olamning muhim ahamiyatli xossalari xususidagi axborotning o`zlashtirilishi (bu jarayonning mahsuli - bilimlardir);

b) faoliyatning ana shu barcha turlari tarkib topadigan usullar va jarayonlarning o`zlashtirilishi (bu jarayon mahsuli - malakalardir);

v) qo`yilgan vazifa va ilgari surilgan maqsadga muvofiq keladigan usullar va jarayonlarni to`g`ri tanlash hamda nazorat qilish uchun ko`rsatilgan axborotdan foydalanish yo`llarining egallanishn (bu jarayon mahsuli - ko`nikmalar hosil qilinishidir).

Shunday qilib, ta'lim kishining harakatlari muayyan bilimlar, malakalar, ko`nikmalarni o`zlashtirib olishga qaratilgan ongli maqsad bilan idora qilingan joydagina yuz beradi.

Bundan ko`rinib turibdiki, ta'lim - o`ziga xos insoniy faoliyatdir. Hayvonlarda esa faqat o`rganish bo`lishi mumkin. Lekin odamda ham faqat u o`z xatti-harakatlarini anglab yetilgan yuksak xayoliy maqsadga (idealga) ko`ra yo`naltirish layoqatiga ega bo`lgandagina ta'lim faoliyati yuz berishi mumkin.

Bunday layoqatning yetarli darajadagi rivojlanishiga faqat olti-yetti yoshga chiqqan paytga kelib, faoliyatning oldingi turlari - o`yin, nutq, amaliy xulq-atvor va shu kabilar negizida shakllana borgan holda erishiladi. O`quv faoliyatini shakllantirishning eng birinchi asosiy sharti - bolada muayyan bilimlarni, ko`nikma va malakalarni o`zlashtirish uchun anglanilgan motivlar tug`ilishi hisoblanadi.

Katta yoshli kishilar bolaning rivojlanishiga faol ijtimoiy ta'sir ko`rsatuvchilar sifatida namoyon bo`ladilar. Ular uning faoliyati va xulq-atvorini uyushtiradilar, ularni insoniyatning ijtimoiy praktikasi doirasida yo`naltiradilar. Bola faoliyati va xulq-atvorini ularning insoniyat ijtimoiy tajribasini o`zlashtirish sari yo`naltirishdan iborat ushbu faol jarayon o`qitish deb ataladi. Bola shaxsining rivojlanishiga uning ta'siri nuqtai nazaridan olinganda bu jarayon tarbiya deb ataladi.

Ta'lim va tarbiyani amalga oshirishga yordam beradigan asosiy vositalar - bu bajarilishi lozim bo`lgan ishni ko`rsatish va tushuntirishdan, rag`batlantirish va jazolashdan, vazifalar va talablar qo`yishdan, tekshirish va tuzatishdan iboratdir. Katta yoshli kishilar ushbu ta'sirlar yordamida bolada bilimlarni egallashga va faoliyat ko`rsatishga istak tug`dirgan, uni yo`naltirgan, nazorat qilgan, to`g`rilab borgan va shu yo`sinda uni shakllantirgan holda bu faoliyatni boshqarib turadilar.

Bularning hammasi qay tarzda, qanday vositalar bilan, qanday materialda va qaysi maqsadda bajariladi, qanaqa axborot ma'lum qilinadi va qanday harakatlar o`zlashtiriladi - bu masalalarning hammasi bilan alohida fan - pedagogika fani shug`ullanadi.

O`quv faoliyati kishini ijtimoiy foydali faollik ko`rsatishning har xil turlari uchun zarur bilimlar, malakalar va ko`nikmalar bilangina qurollantirib qolmaydi. U kishida shuningdek, o`zidagi psixik jarayonlarni idora qilish, o`z xatti-harakatlari va operatsiyalarni tanlay bilish, uyushtirish va yo`naltira bilish malakalarini, bajarilayotgan vazifaga mos keladigan ko`nikmalar va tajribani ham shakllantiradi. Uquv faoliyati shu tariqa kishini mehnatga tayyorlaydi.