Shavkat Mirziyoyev Kitob mutolaasi va bilim xazinasi Kitob mutolaasi donolar suhbatidan bahramand bo`lmoqdir, ularning bilim va fikrlar xazinasidan «dur-u gavharlar»

Frazeologizmlar. Ma’no yaxlitligiga ega bo’lgan va nutqiy jarayonga qadar ikki va undan ortiq so’zlarning barqaror munosabatidan tashkil topgan, nutqqa tayyor holda olib kiriluvchi ko’chma ma’nodagi barqaror birikmalarga (frazeologik birikma) lar deyiladi.
Maqol. Grammatik jihatdan gap holida shakllangan, xalq donishmandligi natijasida vujudga kelgan barqaror birikmalar maqollar hisoblanadi.
Matal. Grammatik jihatdan gap holida shakllangan, to’g’ri ma’noda qo’llaniladigan, xalq donishmandligi natijasida vujudga kelgan barqaror birikmalar matallardir.
Aforizmlar (hikmatli so’zlar). Grammatik jihatdan gap holida shakllangan xalqning turmush tajribasiga tayanib ma’lum bir shaxs tomonidan yaratilgan qisqa, obrazli barqaror birikimalarga hikmatli so’zlar (aforizmlar) deyiladi.
1-mashq. Berilgan gaplarni erkin va barqaror birikmalarga ajrating va farqini ayting.
l.Toshkentdagi istiqlol davrida qurilgan inshootlami ko‘rib og‘zim ochilib qoldi.2.Yer haydasang kuz hayda, kuz haydamasang yuz hayda, deydi xalqimiz.3.Kechagi majlisda menga ham til tekizibdi.4.Bahorning mayin shabadasi daraxt shoxlarini tebratdi.5.Oltin o ‘tda bilinadi, odam mehnatda bilinadi.6.Arslon izidan qaytmas, yigit so‘zidan.7.Tuyaning dumi yerga yetganda qarzini to ‘laydi.8.Bir tariqdan bo'tqa bo‘lmas.9.Ular bir yoqadanbosh chiqarib mehnat qiladilar.
2- mashq. Maqollarning rus tilidagi muqobilini toping.
1.Yaxshi bola nom keltirar, yomon bola g‘am keltirar. 2.Yaxshi qand yedirar, yomon pand yedirar. 3.Kelining yaxshi bo‘lsa, o ‘g ‘lingdan ko‘r, o‘g ‘ling yomon bo‘lsa, keliningdan ko‘r.4. Aqlli odam qish g ‘amini yozda yeydi. 5.Yaxshini maqtasang yarashur, yomonni maqtagan adashur. 6.Qo‘ng‘iz bolasini oppog‘im der, kirpi bolasini yumshog‘im der. 7.Kengashganga - keng dunyo, talashganga - tor dunyo. 8. Yog‘och kessang, uzun kes, kessa bo‘lar, temir kessang, qisqa kes, cho‘zsa bo‘lar. 9. Qorinni to‘yg‘azish oson, ko‘zni to‘yg‘azish qiyin.