«sharq» nashriyot-matbaa

150
 
Tasviriy san'at 

---

 
diniy-falsafiy  mazmundagi  naqqoshlikdan  bevosita  real  tasviriy  san'atga 
o'tilish holati kuzatildi. 
O'zbek  rassomlarining  iqtidori  kulolchilik  buyumlarini,  kiyimlarni 
bezashda,  materiallar  uchun  uyg'un  bo'yoqlar  jilosini  yaratishda,  kundalik 
turmush buyumlariga jilo berishda, amaliy san 'atda va boshqalarda namoyon 
bo’ldi. Buyumlardagi  yuksak did, nazokat, nafislik rasmlarda  yaqqol  ko'zga 
tashlanar edi. 
Naqsh amaliy san'ati markazi Buxoro edi. Bu shahar ustalari nafaqat asriy 
san'atini  saqlab  qolishga,  balki  rivojlantirishga  erishdilar.  Buxorollk 
ustalarning har qanday asari o'z xususiyatlariga ega bo'lib, boshqa shaharlarda 
yaratilgan  buyumlardan  ajralib  turar  edi.  Bu  asarlarga  xos  boy  tasavvur  va 
mukammal  mahorat,  asosan,  ranglar  va  naqshlar  uyg'unligida  o'z  aksini 
topgan.  Oq  rang  baxt-saodat  va  omad  ramzi,  qizil  rang  quvonch  va 
salomatlikni anglatar edi. Ranglar va  naqshlar ramzi zargarlikda, liboslarda, 
nodir toshlardan ishlangan zeb-ziynat buyumlarida ustuvorlik qilgan.