"sharq" nashriyot matbaa aksiyadorlik kompaniyasi bosh tahririyati

FK 2: savollarga to‘liq javob bera olish.
Dars turi: yangi tushuncha va bilimlarni shakllantiruvchi.
Dars  metodlari:  suhbat,  tushuntirish,  “T-chizma”  ,  “Pantomima”, 
“Adashib qolgan satrlar”, “Gapni to‘ldiring” mashqlari.
Dars jihozlari: tabiat hodisalari tasvirlangan rasmlar, so‘z va gaplar 
yozilgan kartochkalar, multimedia ilovalari.
Darsning borishi:
I. Tashkiliy qism. Salomlashish. O‘quvchilarni darsga hozirlash.
II. Uy vazifasini so‘rash va o‘tilgan mavzuni mustahkamlash.
O‘quvchilar uyga berilgan vazifa “Yaxshidan bog‘ qoladi” rivoyati 
mazmunini so‘zlab beradilar.
“Pantomima”  o‘yini.  O‘quvchilar  guruhlarga  bo‘li nadilar. 
O‘quvchilarga  “Yaxshidan  bog‘  qoladi”  rivoyati  mazmunini 
ovoz  chiqarmasdan  pantomima  ko‘rinishida  ko‘rsatib  bering, 
deb aytiladi. Guruhlar ishlarini rejalashtirib olishlari uchun 3–5 daqiqa 
vaqt  beriladi.  Ular  ovoz  chiqarmasdan  o‘tgan  mavzu  pantomimasini 
ko‘rsatib beradilar.