Sharof Rashidov tumani 11-umumta`lim maktabining 2-sinflari o`rtasida 1-oktabr “Ustoz va murabbiylar kuni” munosabati bilan “Uztoz aziz va mo`tabar!” nomli o`tkazilgan tadbir bayonnomasi

Sharof Rashidov tumani 11-umumta`lim maktabining 2-sinflari o`rtasida 1-oktabr “Ustoz va murabbiylar kuni” munosabati bilan “Uztoz aziz va mo`tabar!” nomli o`tkazilgan tadbir
BAYONNOMASI
30-sentabr 2021-yil
2021-yil 30-sentabr kuni maktabimizning 2-“A”,“B”,“D”,“E” o`quvchilari ishtirokida tadbir o`tkazildi. Tadbir maktabimiz direktori X.Jo`rayeva tomonidan ochib berildi. Tadbirda o`quvchilar tomonidan she`rlar, qo`shiqlar aytildi. Ustozni, o`qituvchi va murabbiylarni madh etuvchi she`rlar va turli xil sahna ko`rinishlari mehmonlarga bayramona kayfiyat bag`ishladi.
Shuningdek tadbir davomida bayramga bag`ishlangan kuy va raqslar, sahna ko`rinishlari ijro etildi. 2-“A” sinf qizlari tomonidan raqs namoyish etildi. 2-“B” sinf o`quvchilari o`zlarining sahna ko`rinishlarini tomoshabinlarga havola etishdi. 2-“D” hamda 2-“E” sinf o`quvchilari ham o`zlarining kompozitsion she`rlari orqali o`z mahoratlarini namoyon etib, barchani tabrikladilar.
O`quvchilar ustozlarini gullar bilan qutlab tabrikladilar. Ayrim o`quvchilar o`zlari yozgan she`rlaridan o`qib berdilar. Tadbir ko`tarinki ruhda tashkil etildi. Unda ustoz va murabbiylar mo`tabar zot ekanligi madh etildi. Tadbirda so`zga chiqqanlar ham mamlakatimizdagi barcha ustoz va murabbiylarni chin qalbdan muborakbod etishdi va ushbu kasb qanchalik murakkab, mashaqqatli, shu bilan birga sharafli ekanligini ham ta`kidlab o`tishdi. Tadbir so`ngida mehmonlar tadbir haqidagi firlarini bildirdilar va barcha qatnashchilarga o`z minnatdorchiliklarini izhor etdilar. Tadbir haqiqiy bayramona va ko`tarinki ruhda o`tkazildi.

B.S.I.B.M Hazratqulova M: 30.01.2021

Sharof Rashidov tumanidagi 11-umumta`lim maktabida 2021-2022 o`quv yilida 1-sinfga qabul qilinadigan o`quvchilarga “Prezident sovg`a”sini tarqatilishi haqida
MA`LUMOT

2021-yil 3-sentabr kuni yangi o`quv yili boshlanishi munosabati bilan 1-sinfga qabul qilinadigan o`quvchilarga “Prezident sovg`a”si berildi. Joriy yilning 23-avgust kuni 1-sinf o`quvchilariga topshiriladigan “Prezident sovg`alari”dan iborat karvon hududlarga yo`l olgan edi. Shu jumladan, bizning maktabimizga ham yetib keldi.

2021-2022 o`quv yilida maktabimizga 74 nafar 1-sinf o`quvchilari qabul qilindilar. Ularning barchasi darsliklar bilan o`quv qurollari bilan ta`minlandilar.
Sinf rahbarlar: Murtozayeva M, Xolmatova M, Risqiyeva S lar o`quvchilarga 12 xil turdagi o`quv qurollarini tantanali topshirdilar. “Prezident sovg`a”sida quyidagilar bor: sumka, daftarlar, ruchka, qalam, yelim, rangli qalamlar, bo`yoq, plastilin, rasm daftar, rangli qog`ozlar, qalamdon, o`chirg`ich.
O`quvchilarning ota-onalari “Prezident sovg`a”sini qabul qilib olganligi, undagi o`quv qurollari summasi, turlari haqida tanishib chiqdilar va qabul qilib olganliklari haqida imzo qo`yib oldilar.