Шахзодбек: Мозийдан бугунга етмасди овоз

Шахзодбек: Мозийдан бугунга етмасди овоз,
Бўлмаганда халқим сенинг хотиранг.
Сен ўзинг нақш этдинг ҳаёт қиссасин,
Сен ўзинг сўнг уни айладинг паён.
Олис боболарнинг босган хар изин,
Ўзинг авлодларга этдинг намоён.
Хотира бор экан тирикдир миллат,
Тирикдир ифтихор, тирикдир ғурур.
Хотира элни халқ этгувчи қудрат,
Хотира эртани ёритгувчи нур.
Зуҳра: Биласизми анашу иккинчи жаҳон уриши давридаги воқеаларни адибларимиз, шоирларимиз шундай ёзганларки уларнинг ҳар бир сатрида гўё ўша даврга тушиб қолгандек бўласиз.
“ Жангчи Турсун” балладасидан онанинг фарзандига қалб сўзлари.
Ўғлим сенда хуш хабар Келарми деб кўз тутдим.
Лекин кўп жонни ташлаб Кетибди деб эшитдим,
Шунда бутун танимни ёндириб қаҳрим келди.
Тўхтагил деб бақирдим, тилимга заҳрим келди,
Қаёққа чекинасан борми кераксиз еринг.
Не учун одам бўлдинг келмасанг душманга тенг,
Сенинг учун бутун эълни оғир уят тутсинми?
Сени кўрганда қуёш юзини беркитсинми.
Кўчадан ўтганингда ерга қарасинми эл,
Икки кўзга қараб туриб, тупроқ тўзғотсинми эл,
Кўзинг тушганда Аму илондек тўлғонсимни.
Зарафшон уятингдан, янтоқ бўлиб ёнсинми,
Йигит бўлиб дунёда шу учун юрганмидинг.
Ўз юртидан чекинган ботирни кўрганмидинг ,
Халқинг учунтўккали йўқми бир қошиқ қонинг.
Ватан тупроғидан ҳам азиз эканда жонинг,
Ватандан бошдан оёқ қочиб ўтмоқчимисан.
Ўз туғилган ерингдан чиқиб кетмоқчимисан ,
Сўнг қаерга борасан қаерда топасан жой.
Саргардон қилиб хатто топаолмагай Худой,
Ёт ерларда ҳорс арсон гадой бўлмоқчимисан.
Қабринг учун керак ерни қарзга олмоқчимисан,
Ўғлим бу оғир кунлар бир кун ўтиб кетади.
Лекин қўрқоқлигинг шани минг йилларга етади,
Шунинг учун жангда мард бўлганинг яхши менга.
Қочиб тирик қолгандан ўлганинг яхши менга,
Орқангга қара ҳеч ёвни бурда –бурда қил.
Агарда ўқ текканда ҳам олдинга қараб йиқил,
Ўртоқларинг устинган майли сакраб ўтсинлар.
Ёв агар аждар бўлса ўшани ҳам ютсинлар,
Яна бир дўстингга айт сенинг ёнингда борсин.
Қон бўлган куйлагингни олиб менга юборсин,
Мен уни бутун элга фахр этиб кўрсатаман .
Шаҳар қишлоқлар бўйлаб уни кийиб ўтаман,
Ҳамма десин бу ўтган бир ботирнинг онаси.
Ватан учун ўлибди унинг ёлғиз боласи.
Зуҳра: Ҳамид Олимжон қаламига мансуб ушбу сатрларда анашу уруш давридаги меҳрибон онажонларимизнинг жасорати ёрқин тарзда намоён бўлади.
Шахзодбек: Албатта, шу ўринда яна бир бора эслатиб ўтмоқчимиз.Бугун 9-май “Хотира ва қадрлаш куни”, фашизм устида қозонилган ғалабага 75 йил тўлган сана.Шу муносабати билан “Буюк ғалабага-буюк хисса” шиори ости тўгридан-тўғри жонли эфирга узатилаётган телемарафонимиз давом этади.
Шу ўринда алоҳида таъкидлаб ўтмоқчимиз, бугун кечки дастурларимизда “Ўзбектелефилм” студиосининг “Илҳақ” ҳамда “101” бадиий филмларининг примераси бўлиб ўтади.Шундай экан, биздан алсо йироқлашманг.