Шахсий компьютернинг тузилиши

3.Жойстик. Бу сисқонча ўрнини босувчи қомпьютерларда ўйнаш қурилмасидир. У сичқончага муқобил қурилма ҳисобланади ва айрим компьютер ўйинларини ўйнашда жуда ўнғай восита ҳисобланади.

4.Сенсор панели ва махсус қалам ҳам сичқончага муқобил қурилма ҳисобланади. Бу восита ёрдамида қоғозга қалам ёрдамида чизиш ва нуқта қўйиш каби ма’лумотлар компьютер экранига киритилади. Фақат қоғоз ўрнида сенсор панели- touchpad ва қалам ўрнида stylus, я’ни компьютер махсус қаламидан фойдаланилади.
Компьютердан ахборотни чиқариш қурилмалари


1.Монитор-компьютердаги матн ва график ма’лумотларни тасвирлаш қурилмаси. Мониторларнинг кўп тарқалган иккита тури мавжуд. Булар трубкали (CRT) ва суюқлик тўлдирмали мониторлардир. Кейинги пайтларда суюқлик тўлдирмали монитор кенг тарқалмоқда. Чунки у фойдаланувчини кўзига кам зиён етказади ва ҳажми кичик бўлганлиги учун фойдаланувчи столида кам жой эгаллайди.
Ҳозирги даврда SVGA русумли мониторларини, бир нуқтада 16,8 млн. хил ранг бера оладиган 800x600, 1024x768, 1280x1024, 1600x1200 нуқтали турлари мавжуд. Монитор экрани 9 дан 21 дюймгача (23-54 см) ёки ундан катта ўлчамли бўлиши мумкин Бу мониторлардаги нуқта ўлчами 0,32 мм дан 0,21 мм гача бўлиши мумкин. Нуқта қанча кичик бўлса, тасвир шунча сифатли бўлади.

10-расм. Мониторлар (трубкали тури).
Ахборотларни ташувчи ва йиғувчи воситалар: компакт дисклар ва флэш хотиралар
Компакт ва флэш дисклар – компьютерга ахборотни киритиш, компьютердан ахборотни чиқариш ва ахборотларни сақлаш қурилмалари ҳисобланади. Компакт диск (сompakt - disk) - компьютерга ахборотларни киритиш воситаси. У яна компьютерлараро ахборотларни алмашиш ва сақлаш каби вазифаларни ҳам бажаради. Ахборот ташувчи восита.
Компакт дисклар. CD аббревиатураси сompakt-disk, я’ни бошқа дискларга нисбатан кичик ўлчамли пластик ўлчамга эга деган ма’нони англатади. CD нинг стандарт ўлчами 120 миллиметрни ташкил қилади. Ундаги ахборот ҳажми CD дисклар учун 700 мегобайтдан 900 мегабайтгача, DWD дисклар учун бир томонлама ёзувда 4,7 гигабайтни ва икки томонлама ёзувда 9,4 гигабайтни ташкил қилади. Бундан ташқари кичик диаметрли ўлчами 80 мм бўлган 200 мегабайт ахборот сиғимли CD лар ҳам мавжуд.
Бу дисклардан икки хил йўналишда фойдаланиш мумкин я’ни, фақат ёзувчи recordable (CD-R) ва қайта ёзиладиган rewritable (CD-RW). Дунёда дастлабки мултмедиали дастурларнинг асосий ташувчилари бўлиб CD-ROM лазер дисклари ҳисобланади. Ташқи кўринишидан Audio компакт - дискдан фарқ қилмайдиган бу лазер дисклари - видео, аудио, матн, графика ва анимация кўринишдаги ахборотларни 900 мегабайтгача бўлган ҳажмини ўзига сиғдира олади. Масалан сиғими 700 Мбайтли компакт дискка 250000 саҳифали матн ёки 8 метрли китоб жавонидаги ахборотларни жойлаштириш мумкин. Лазерли нурлар компакт дискга киритилган микро йулакчалар­да­ги ахборотларни ўқийди.

13-расм. CD, DVD дисклар ва диск юритувчи (CD-ROM , DVD –RW) қурилмалар.