Shahar hududini injenerlik tayyorlash

Injenerliktayyorgarligining asosiy maqsadi kuyidagi vazifalar o‘z yechimini topishi lozim bo‘ladi:
a) joyni qurilishga moslashtirish bo‘yicha chora - tadbirlarni belgilash (er osti suvlari sathini pasaytirish, hududni suv bosishdan, ko‘chki va jarliklar paydo bo‘lishidan saqlash, ko‘kalamzorlarni sug‘orishni yo‘lga qo‘yish, sel, zilzila, qum bosish kabilarning oldini olish);
b) hududlardagi qurilish talablariga javob bermaydigan omillarni yo‘qotish, ya’ni, qor - yomg‘ir suvlarini tabiiy oqib ketishini ta’minlash;
v) daryo, ariq va ko‘llar atroflarini ko‘kalamzorlashtirish yo‘li bilan qirg‘oqlarning yuvilishi, o‘pirilishining oldini olish;
g) shahar hududidagi ko‘kalamzor maydonlarni sug‘orish, qor - yomg‘ir va oqova suvlarni tabiiy nishablikda oqizish, botqoqliklar hosil bo‘lishiga imkon bermaslik;
Bundan tashqari, shahar bunyod etiladigan yer yuzasi sathini me’yoriy (>0,015) nishablikda ta’minlash, zamin tuprog‘i ustki qatlamining yuvilmasligini va uning yuzasi shamol erroziyasiga uchramasligini ta’minlash lozim. Bunday injenerlik tadbirlarini amalga oshirishda joydagi obodonlashtirish va ko‘kalamzorlashtirish ishlariga ham katta ahamiyat beriladi.

SHAHAR HUDUDINING INJENERLIK TAYYORGARLIGI
SHahar hududlarining injenerlik tayyorgarligi - tabiiy sharoitlarni o‘zgartirish va ulardan foydalanish maqsadida zaminning fizik - mexanik xususiyatlarga bog‘liq jarayon rivojlanishini va ta’sirini kamaytiruvchi chora - tadbirlar yig‘indisidan iborat.
RELEFNING SHAKLLARI
Relef to‘g‘risida umumiy ma’lumotni olishda undagi tabiiy paydo bo‘lgan shakllarga baho berish orqali geodezik gorizontallar tuzilmasi asos bo‘lib xizmat qiladi.
SHahar uchun joy tanlayotganda shaharsozlikning hamma talablariga javob beradigan relefga ega bo‘lgan katta joyni topish qiyin. SHuning uchun joyga baho berilayotganda birinchi navbatda relefning yaroqsiz joylari aniqlanadi. Bu usul bilan shaharsozlik uchun qulay va noqulay joylar belgilab olinadi.
Buni bajarishda birinchi navbatda relefda suv ayirg‘ich va suv yiqqichlardan uzlukli chiziqlar o‘tkazib, nishabliklarning alohida yo‘nalishlari aniqlab olinadi.