Шаҳарсозлик нормалари ва қоидалари

VII. ЙЎЛ ТЎШАМАЛАРИ


7.1. Йўл тўшамаси транспорт иншоотлари сифатида йўлга қўйиладиган умумий талабларга жавоб бериши керак. Бу талаблар қатнов қисмнинг қопламалари, уни йўл ёқаси ва ажратувчи тасма билан қўшилиш тузилмаси, ҳамда йўл ёқасини мустаҳкамлаш турлари, равон ва ғадир-будир юзали қатнов қисми яратиш ва бошқаларга мос келувчи бутун йўл тўшамаси тузилмасини танлашни таъминлаши керак.
7.2. Йўл тўшамаси ва қоплама турини транспорт-фойдаланиш талаблари, лойиҳаланаётган йўлнинг тоифаси, автотранспорт ҳаракат жадаллиги ва таркиби, иқлим ва тупроқ-геологик шароити, санитар-гигиена талаблари, шунингдек йўл қурилаётган ҳудудларни маҳаллий қурилиш материаллари билан таъминланганлигини ҳисобга олган ҳолда қабул қилиш лозим.
7.3. Йўл тўшамалари бир ёки бир нечта қатламлардан иборат бўлиши мумкин. Бир нечта қатламли йўл тўшамаси қоплама, асос ва асоснинг қўшимча совуқ ва иссиқдан ҳимояловчи, сув ўтказувчи ва бошқа қатламларидан иборат бўлади (мажбурий 2- илова).
Автотранспорт воситаларидан тушаётган юкланишга қаршилиги бўйича ва иқлим таъсирига муносабати бўйича йўл тўшамалари қаттиқ қопламали ва асосли тўшамалар (кейинги шартли равишда - қаттиқ йўл тўшамалари), ҳамда қаттиқ бўлмаган қопламали ва асосли тўшамалар (қаттиқ бўлмаган йўл тўшамалари) га бўлинади.
7.4. Йўл тўшамасининг турлари, қопламанинг асосий кўринишлари ва уларни қўллаш доираси 37-жадвалда келтирилган.
37-жадвал

Йўл тўшамаси турлари	Қопламанинг асосий кўринишлари	Йўллар тоифаси	Бандларга мувофиқ қабул қилинади
Мукаммал	Цементбетонли қуйма Темир бетонли ёки армобетон ва йиғма бетонли Асфальтбетонли	I-IV I-IV I-IV	7.8; 7.16; 7.33 7.10; 7.13 7.34
Енгиллашти-рилган	Асфальтбетонли Боғловчилар билан ишлов берилган чақиқ тош, шағал ва қумли	III, IV ва II тоифали йўлларни икки босқичли қурилишининг 1-босқичида IV-V	7.34 7.34
Ўтувчи	Чақиқ тош ва чақиқ тошли шағал; боғловчилар билан ишлов берилган тупроқлар ва мустаҳкамлиги кам материаллар	IV-V ва III тоифали йўлларни икки босқичли қурилишининг 1-босқичида	7.44; 7.45 7.37-7.39; 7.40
Оддий	Қўшимчалар билан мустаҳкамланган ёки яхшиланган тупроқлар	V ва IV тоифали йўлларни икки босқичли қурилишининг 1-босқичида	7.39; 7.40