Шаҳар транспорти

1.1. Шаҳар транспорти
Шаҳар йўловчи транспортларининг асосий тафсилотлари.
Шаҳар транспорт тармоғини лойиҳалаш ва транспорт воситаларини танлаш учун уларнинг сиғими, ҳаракат тезлиги, двигатель тури, йўл қурилмаларининг турлари каби бир қанча тафсилотларини билиш муҳимдир.
Сиғими бўйича йўловчи транспорти икки турга бўлинади:
Катта сиғимли; барча турдаги жамоат транспорти киради - автобус, троллейбус, трамвай, метрополитен, темир йўл транспорти, монорельсли транспорт.
Кичик сиғимли; барча турдаги индивидуал фойдаланишдаги транспортлар - так­си, шахсий автомобиллар, мотоцик­л, велосипед.
Ўртача ҳаракатланиш тезлиги бўйича оммавий транспорт воситалари қуйидагичадир:
Тезлиги паст - ўртача ҳаракатланиш тезлиги 20 км/с гача бўлган (автобус, трол­лейбус, трамвай);
Тезюрар - ўртача ҳаракатланиш тезлиги 25 км/с дан юқори бўлган экспресс-автобуслар, тезюрар трамвай, метрополитен, темир йул транспорти, енгил автомобиллар.
Двигатель турига қараб йўловчи транспорт икки гуруҳга бўлинади:
электр двигателли – троллей­бус, трамвай, метрополитен, электрлаштирилган темир йўл транспорти;
ички ёнув двигателли – енгил автомобиллар, автобус, темирйўл дизель-поездлари.
Шаҳар йўлларида жойлашишига қараб жамоат-йўловчи транспорти қуйидаги икки гуруҳга бўлинади:
кўчанинг ҳаракатланиш қисмида юрадиган – автобус, троллейбус, трамвай;
алоҳида йўлакларда юрадиган – тезюрар трамвай, мет­рополитен, темир йул, монорельс ва вертолёт транспортлари.
Йўл қурилмалари тури бўйича ҳам икки турга бўлинади: