Щ з б е к и с т о н р е с п у б л и к а с и

Ishni bajarish tartibi.
1. Talabalar guruhlarga bo‘linib, har bir guruhga qurilmada paxta terish apparatining ishini o‘rganish va uning ko‘rsatgichlarini aniqlash bo‘yicha bittadan tajriba o‘tkazish va bajarilgan ish natijasi bo‘yicha berish topshirig‘i beriladi.
2. Terish apparatining texnologik sozlanishlari to‘g‘ri bajarilganligi tekshiriladi va qurilma tayyor holatga keltiriladi..
3. Ishchi qismlari to‘liq va sifatli sozlangan terish apparatida tajriba o‘tkaziladi va T_a, U, E va S ko‘rsatkichlar aniqlanadi.
4. Shpindel aylanish tezligining kamayishini (tasmalarni yeyilishi natijasida) terib olingan paxta miqdoriga ta’sirini o‘rganish bo‘yicha tajribalar o‘tkaziladi va mos holda T_a, U, E va S ko‘rsatkichlar aniqlanadi.
5. Olingan natijalar bo‘yicha xulosa beriladi.


Ish bo‘yicha hisobotda: Ishning maqsadi, kerakli jihozlar, berilgan topshiriqlar, ishning bajarish tartibi bo‘yicha aniqlangan ma’lumot va hisoblarga asosan xulosalar beriladi.
Nazorat savollari:
1. Apparatning paxtani terish darajasi qanday omillarga bog‘liq?
2. Apparatning paxtani chala terish va yerga to‘kish darajasi nimalarga
bog‘liq?
3. Shpindellarni aylantiruvchi tashqi tasmaning taranglik kuchi terish
jarayoniga qanday ta’sir qiladi?
4. Terish apparatidagi ajratkich qanday ishni bajaradi?
5. Nega shpindel roligini aylantirish uchun bir necha ponasimon tasmalar
qo‘yiladi?
6. Barabanlar jufti oralig‘idagi terish kamerasining (ish tirqishi) kengligi
qanday ahamiyatga ega?


13- Laboratoriya ishi
Mavzu: Gʻalla kombayni don yanchgichi va tozalagichining
ish rejimlarini ekin turiga qarab tanlash


Ishning maqsadi: Gʻalla kombaynini turli ekinlar urug‘larini o‘rib-yanchishga rostlash va ish sifatini baholash tartibini o‘rganish.
Kerakli jihoz: “Dominator-130” rusumli g‘alla kombayni; chilangarlik asboblari; ichki maydoni 1 m. kv bo‘lgan ramka; ruletka; tarozi; g‘allasi pishgan 0,2 ga maydon.
Respublikamizda boshoqli don ekinlarini o‘rib-yig‘ib olish ishlari "Klaas" firmasining Dominator-130 rusumli kombayni yordamida bajarilmoqda. U klassik ko‘rinishdagi ko‘ndalang baraban-savatli yanchish qurilmasi bilan jihozlangan bo‘lib, uning texnologik ishlash jarayoni 19-rasmda ko‘rsatilgan.