Ш. М. Мирзиёевга Нусхаси-Ўзбекистон Республикаси Адлия Вазири Р. Давлетовга

Мард ва жасур инсонлар қайси соҳада ишламасин, машҳур бўлиш учун эмас, ўз ишини фидойиларча бажариб элига, юртига наф келтириш учун ҳаракат қиладилар.
Инсон ҳаётда ким бўлишидан қатъий назар, қанча умр кўргани билан эмас, балки халқи учун, Ватани учун қилган савобли ишлари билан қадрланади.
Маънан бой инсон халқни ҳам бойитади.
Мустақиллик ер юзидаги барча миллатлар орзу қиладиган улуғ туйғу, бебаҳо неъматдир. Инсон тафаккуридаги бош мақсад, бу – озодликдир. Фақат эркин жамият, озод инсон буюк мақсадлар билан яшайди. Мустақиллик – инсон туйғуси билан уйғун тушунча. Бу икки тамойилни ҳеч қачон бир – биридан ажратиб бўлмайди.
“Янги Ўзбекистон” кечаги Ўзбекистон эмас. Бугунги халқимиз ҳам кечаги халқ эмас. Одамзод орзу ҳавас билан, юксак ниятлар билан яшайди.
Мустақил Ўзбекистонимизда ўз ҳаётини, умрини, бутун борлиғини, қобилиятини илм – маърифат билан безаган инсонлар, олим ва фузалолар жуда кўпчиликни ташкил қилади. Юртимиз тараққиёти ташаббускор зиёлилар, шижоатли ёшлар қўлида.
Давлатимиз раҳбари Ш.Мирзиёев “Буюк келажагимизни мард ва олийжаноб халқимиз билан биргаликда қурамиз” деган эди. Дарҳақиқат, буюк келажагимиз шижоаткор ёшлар, мард ва жасур инсонлар қўлида
“Илмдан бир шуъла дилга тушган он,
Шунда билурсанки, илм бепаён” . А.Фирдавсий.
М.Беҳбудий “Миллат тараққийси ҳаёлий орзу – ҳавасда эмас, балки фарзандлар камолотидадир”, деб бежизга айтмаган.
Барча эришган ютуқларимизга таяниб, миллий тикланишдан- миллий юксалиш сари дадил қадам қўймоқдамиз. Ёшларга оид Давлат сиёсатини оғишмай амалга ошириш мақсадида “Ёшлар келажагимиз” Давлат Дастури қабул қилинганлиги бўйича ёшлар манфаатлари Президентимиз томонидан тўлиқ қўллаб - қувватланмоқда. Бундан албатта ёшларимзнинг диллари қувончга тўлди.
“Халқимизнинг розилиги – бизнинг биринчи навбатда, Президент сифатида менинг, барча бўғиндаги раҳбар ва мутасаддилар, депутат ва сенаторлар, барча давлат идораларининг фаолиятига берилган энг олий ва энг адолатли баҳодир. Агар халқимиз биздан рози бўлса,Яратган ҳам албатта рози бўлади” деган эди Президент Ш.Мирзиёев.