Sh. H. Usanov, M. X. Tinibekov harbiy toksikologiya

Oldini olish va davolash.  Dixloretan  bilan  zaharlanishning 

oldini olish uchun quyidagilarga amal qilish lozim:

–  zaharli  bug‘  miqdori  havoda  me’yordan  ortiq  bo‘lganida 

gazniqob, fartuk va rezina qo‘lqopda ishlash;

– idishlar (sisteranlar)ni tozalaganda alohidalovchi yoki shlangli 

gazniqob va himoya kostyumida ishlash;

–  ishlar  tugagandan  so‘ng  qo‘lni  iliq  suvda  yaxshilab  yuvish, 

rezervuarlarni  tozalash  ishlari  olib  borilgandan  so‘ng  dushda 

yuvinish.

Yuqorida  aytilganidek,  dixloretan  bilan  zaharlanishda  patologik 

jarayon  juda  tez  rivojlanadi.  Unga  qarshi  ziddi  zahar  ishlab 

chiqilmagan. Zahar og‘iz orqali tushganida tezlik bilan qayt qilish, 

oshqozonni  150–200  ml  vazelinli  yog‘  bilan  yuvish,  keyin  ichni 

suruvchi dorilar berish, klizma qilish lozim. 

Zahar  nafas  yo‘llari  orqali  tushganida  zudlik  bilan  zaharli 

hududdan  chiqish,  sanitar  ishlov  o‘tkazish,  kiyimlarni  almashtirish 

lozim.  Yopiq  joylarda  zaharlanganlar  alohidalovchi  yoki  shlangli 

gazniqoblar kiydirgan holda olib chiqiladi.