Ш. А. Султонов реал секторни давлат томонидан тартибга солиш

Такрорлаш учун саволлар

1. 
   Ижтимоий соҳанинг қайси элементларининг ривожланишига фақатгина давлат самарали таъсир эта олиши мумкин?
   
2. 
   Нима учун соғлиқни сақлаш тизими жорий этилган?
   
3. 
   Ижтимоий суғурта турларини изоҳлаб беринг.
   
4. 
   Ижтимоий соҳани давлат томонидан тартибга солишнинг зарурати нималар билан боғлиқ?
   
5. 
   Жамият ривожланишида инсон омили ролининг оиши нималарга боғлиқ?
   

11-мавзу. Давлатнинг иқтисодий хавфсизликни таъминлаш вазифалари. (2 соат)


1-маъруза машғулоти
11.1. Иқтисодий хавфсизликнинг моҳияти, шакллари, кўрсаткичлари ва уни таъминлашнинг аҳамияти.
11.2. Давлат томонидан иқтисодий хавфсизликни таъминлаш мақсадлари,вазифалари ва йўналишлари.
11.3. Ўзбекистонда ички ижтимоий-иқтисодий хавфсизликни таъминлашда эришилган натижалар ва истиқбол йўналишлар.
Таянч иборалар: Иқтисодий хавфсизлик, иқтисодий таъминланганлик, қарамлик, ички хавфсизлик, ташқи хавфсизлик, иқтисодий боғлиқлик, ижтимоий хавфсизлик, ҳаёт хавфсизлиги, бақарорлик, инқироз ва хавфсизлик, хавфсизлик омиллари, озиқ-овқат хавфсизлиги, хавфсизлик шартлари, рақобатбардошлик ва хавфсизлик, хавфсизлик кафолатлари.


Аннотация

Иқтисодий хавф-хатарлар иқтисодиётга таҳдид ўтказар экан, булардан сақланиб хавфсизликни таъминлаш зарур, чунки бу иқтисодий ўсишнинг муҳим шартидир.

Иқтисодий хавфсизлик – бу миллий иқтисодиётни ички ва ташқи таҳдидларга дош бериб, улардан ҳимояланган бўлиши, ўз салоҳиятини сақлаб қолиб ривожланишга мойил бўлиши уни яшовчан бўлиб дестабилизация (беқарорлик) бўлганда ўз қаддини ростлай олиши кабиларни англатади.
Иқтисодиёт тизимли бўлганидан унинг хавфсизлигининг турли йўналишлари бор. Ишлаб чиқариш хавфсизлиги – Бу иқтисодий хавфсизликни бирламчи асоси ҳисобланади, чунки ишлаб чиқаришдаги хавфсизлик бошқа соҳалардаги хавф-хатарни олдини олади.