“Сервис” илмий-амалий журнал 020 йил 4-сон сервис

Минерал ва органик ўғитлардан самарали фойдаланиш, ўсимликларни кимѐвий 
ҳимоялаш, эрозияга қарши курашиш чора-тадбирлари. Ерга уруғ қадаб, тайѐр ҳосил 
йиғиб олгунга қадар, ўсимликларнинг уруғлари таркибидаги зарарли организмларни 
йўқотишда деҳқонлардан катта эътибор ва масъулият талаб этилади. Деҳқончилик 
ҳудудларидаги экин майдонларининг таркибини аниқлашда, шамол ва сув эрозиясига, 
тупроқнинг ифлосланиб, яроқсиз ҳолга келишига қарши чора-тадбирлар режасини ишлаб 
чиқиш ва амалда татбиқ этиш лозим.
Ишлаб чиқариш воситаларини шакллантириш ва улардан оқилона фойдаланиш. 
Деҳқончиликни барқарор шакллантириш ва муваффақиятли фаолият юритишни ташкил 
этишнинг муҳим шарти, ишлаб чиқариш воситаларининг мавжудлиги ва уларни амалиѐтга 
татбиқ эта билишдадир.
Деҳқончиликда сувдан унумли фойдаланиш. Суғориладиган деҳқончилик 
ҳудудларида фойдаланиладиган сув сарфини ҳисобга олиш, сув етказиб бериш 
шаҳобчалари ва сув омборлари белгилаган лимитлардан унумли фойдаланиш, 
исрофгарчиликка йўл қўймаслик муҳим аҳамиятга эга.
Маҳсулот етиштиришда жадаллашган технологиядан оқилона фойдаланиш. Бизга 
маълумки, замонавий техника-технологиянинг ютуқларидан оқилона фойдаланиш орқали, 
кам харажат қилиб кўп фойда олиш, таннархи арзон ва сифатли маҳсулотга эга бўлиш 
асосий мақсадлардан биридир. Ҳар қандай технологияни қўллаш деҳқончилик ҳудудлари 
иқлим шароитлари учун илмий асосланган бўлиши шарт.
Етиштирилган маҳсулотни сотиш ва олинган даромадни тўғри тақсимлаш. 
Деҳқон етиштирган маҳсулотини жойларга етказиб бериши учун аввало, ҳисоб-китоб, 
бозор нархи, улгуржи ва чакана савдо мажмуалари, умумий овқатланиш жойлари, қайта 
ишловчи саноат корхоналари билан мунтазам алоқа ўрнатиб, жоиз бўлса, шартномалар 

---

“Сервис” илмий-амалий журнал