Sertifikatlastiriw tiykarlari

1. 5. Muwapıqlıqtı bahalaw jáne onıń nızamlı hám de normativ tiykarları

Ózbekstan Respublikası Ministrler Mákemesiniń 2008- jıl 25-dekabr degi 278-sanlı menen tastıyıqlanǵan “Ózbekstan Respublikası Húkimetiniń nızam joybarların islep shıǵıw Rejesi”ne qaray, “Muwapıqlıqtı bahalawhaqqında’‘ǵı Ózbekstan Respublikası Nızamı joybarı islep shıǵılıp, Ózbekstan Respublikası Joqarı Keńesiniń Nızamshılıq palatasına usınıs etilgen.

“Muwapıqlıqtı bahalaw haqqında’‘ǵı Ózbekstan Respublikası Nızamı Nızamshılıq palatası tárepinen 2013-jıl 6-iyunda qabıl etilgen hám Senat tárepinen 2013-jıl 22-avgustda maqullanǵan.

Usı Nızamnıń ideyası, texnikalıq tárepten tártipke salıw obiektler ine jóneltirilgen normativ-huqıqıy talaplardı “Texnikalıq tárepten tártipke salıw haqqında’‘ǵı Ózbekstan Respublikasınıń Nızamına muwapıqlastırıw hám de muwapıqlıqtı bahalaw salasındaǵı nızam hújjetlerin xalıq aralıq nızamshılıq talapları, sonday-aq sawda daǵı texnikalıq tosqınlıqlardı saplastırıw boyınsha Pútkil dúnya sawda shólkeminiń kelisimlerine maslawdan ibarat.

Nızamdı islep shıǵıwdıń tiykarǵı maqsetleri:

- muwapıqlıqtı bahalawdıń birden-bir túri bolǵan sertifikatlastırıwdan, dekloratsiyalawdı óz ishine alǵan kóp túrli muwapıqlıqtı bahalaw sistemasın shólkemlestiriwdiń nızamlı bazasın jaratıw ;

- xalıqara tájiriybe hám mámleketimizdi rawajlandırıw strategiyası faktorların inabatqa alǵan halda milliy akkreditlestiriw sistemasınıń nızamlı, texnikalıq hám shólkemlestirilgen tiykarların jaratıw ;

- respublikamiznıń rawajlanǵan mámleketler menen ekonomikalıq sherikligin asırıw maqsetinde, Pútkil dúnya sawda shólkeminiń kelisimleri menen belgilengen talaplardı basqıshpa-basqısh ámeliyatqa qollanıwdı támiyinlew;

- respublikada islep shıǵarılǵan ónim hám xızmetler qawipsizligi, sapası hám básekige shıdamlılıǵın asırıw, sonıń menen birge, ishki bazardı qáwipli ónimlerden qorǵaw ;

- xalıqara sawdanı rawajlandırıw maqsetinde, sawda daǵı texnikalıq tosqınlıqlardıń jónge salınıwin támiyinlew;

- sınaw, kalibrlew hám salıstırıw laboratoriyaları, sertifikatlastırıw keńseleri, inspektsiya hám muwapıqlıqtı bahalaw salasındaǵı basqa shólkemlerdiń texnikalıq derekligin asırıw hám de jumıs nátiyjeleriniń xalıq aralıq dárejede tán alınıwın támiyinlewden ibarat bolip esaplanadi.

Sonı da aytıw kerek, Nızam qabıl etiliwi nátiyjesinde, házirde ámeldegi akkreditatsiya sisteması jáne de rawajlanadı hám Milliy akkreditatsiya sistemasında muwapıqlıqtı bahalaw boyınsha ámelge asırılǵan jumıslar nátiyjelerin xalıq aralıq maydanda tán alınıwına hám Ózbekstan Respublikasınıń “Ónimler hám xızmetlerdi sertifikatlastırıw haqqında’‘ǵı hám “Texnikalıq tárepten tártipke salıw haqqında’‘ǵı Nızamları mazmunı óz-ara uyqaslasıwına hám de eń áhmiyetlisi ǵárezsiz mámleketimizdiń dúnya jámiyetshilıǵıne integrallasıw procesine óziniń úlesin qosıwına múmkinshilik jaratıp beredi.

“Muwapıqlıqtı bahalaw haqqında’‘ǵı Ózbekstan Respublikası Nızamı tórt baptan hám otızúsh statiyadan ibarat bolıp, baplar tómendegishe atalǵan :1-bap. Ulıwma qaǵıydalar (1 – 14 statiya);2-bap. Muwapıqlıqtı bahalaw salasın mámleket tárepinen tártipke salıw (15-19statiya);3-bap. Akkreditatsiya (20 - 27statiya);4-bap. Juwmaqlawshı qaǵıydalar (28 - 33statiya).

Bul Nızamda tómendegi tiykarǵı túsinikler keltirilgen:

akkreditatsiya —yuridikalıq shaxslardıń arnawlı bir iskerlik salasında muwapıqlıqtı bahalawǵa tiyisli islerdi orınlawǵa kepillikli ekenligin Milliy akkreditatsiya orgını tárepinen rásmiy tastıyıqlaw ;