Sertifikatlastiriw tiykarlari

Akkreditlew sisteması - akkreditlewdi ámelge asırıw ushın procedura hám basqarıwdıń óz qaǵıydalarına iye bolǵan sistema.

Ónim - belgili iskerlik yamasa process nátiyjesi bolıp tabıladı.

Ónimniń túrleri onıń har túrli ulıwma taypalarına kiretuǵın wazıypalar yamasa sol wazıypanı orınlaw ushın qollanılıpatırǵan elementlerdi óz quramında sáwlelendiriwi menen belgilenedi. Ónimdi xızmetler, programmalıq qurallar, texnikalıq qurallar yamasa qayta islenetuǵın materiallar qatarına kirgiziw sol ónim ushın belgilengen wazıypanıń ústinlik etetuǵın elementine baylanıslı. Mısalı, jetkizip beriletuǵın ónim - “avtomobil”,- texnikalıq qurallar (mısalı, shinalar), qayta islenetuǵın materiallar (janılǵi, suwıtıw suyıqlıǵı ), programmalıq qurallar (motordı programmalı basqarıw, shafyor ushın qollanba ) hám xızmetler (avtomobilden paydalanıw haqqındaǵı satıwshı tárepinen beriletuǵın túsindirimeler) den ibarat.

Xızmet - jetkizip beriwshi hám qarıydardıń óz-ara sherikligin de ámelge asırılǵan keminde bir háreket nátiyjesi. Xızmetler, ádetde, materiallıqemes boladı. Xizmet kórsetiw tómendegilerdi óz ishine alıwı múmkin:

- tutınıwshı jetkizip bergen materiallıq ónim ústinde orınlanǵan iskerlik (mısalı, remont talap avtomobil);

- tutınıwshı jetkizip bergen materiallıqemes ónim ústinde orınlanǵan iskerlik (mısalı, salıq muǵdarın anıqlaw ushın zárúr bolǵan dáramat haqqında arza );

- materiallıqemes ónimdi beriw (mısalı, bilimlerdi beriw mánisindegi informaciya );

- tutınıwshılar ushın qolay sharayatlardı jaratıp beriw (mısalı, mıymanxana hám asxanalarda ).

Programmalıq qural informaciyaǵa iye boladı hám ol, ádetde, materiallıqemes bolıp, sonıń menen birge, jandasıwlar, operatsiyalar yamasa proceduralar formasında da bolıwı múmkin.

Texnikalıq qural, ádetde, materiallıq boladı jáne onıń muǵdarı esaplab tabılatuǵın xarakteristika menen ańlatpalanadı. Qayta islenetuǵın materiallar, ádetde, materiallıq boladı hám olardıń muǵdarı úzliksiz xarakteristika menen ańlatpalanadı. Texnikalıq qurallar hám qayta islenetuǵın materiallar kóbinese tovar r (ónim) lar dep ataladı.