Sertifikatlastiriw tiykarlari

Sertifikatlastırıw sistemasınan paydalanıw - gúwalıq talabanına sertifikatlastırıw sistemasınıń qaǵıydalarına muwapıq berilgen sertifikatlastırıwdan paydalanıw múmkinshiligi túsiniledi.

Sertifikatlastırıw sistemasında qatnasıwshı - dep bul sistemanıń qaǵıydalarına qaray iskerlik kórsetetuǵın, biraq sistemanı basqarıw múmkinshiligine iye bolmaǵan sertifikatlastırıw qatnasıwshısı túsiniledi.

Sertifikatlastırıw sisteması aǵzası degende bul sistemanıń qaǵıydalarına qaray iskerlik kórsetetuǵın hám sistemanı basqarıwda belgili dárejede qatnasalatuǵın sertifikatlastırıw qatnasıwshısı túsiniledi.

Sertifikatlastırıw eki túrli boladı : májburiy hám ıqtiyarıy . Islep shıǵarılǵan yamasa paydalanılatuǵın ónim ushın onıń sırtqı ortalıqqa, insan salamatlıǵına tásiri tiykarǵı kriterya esaplanadı. Sırtqı ortalıqqa, insan salamatlıǵı jáne onıń qawipsizligine tuwrıdan-tuwrı tásir kórsetiwshi ónimler, májburiy sertifikatlastırılıwı maqsetke muwapıq boladı, oday ónimler dizimi Mámleket tárepinen tastıyıqlanib, bul dizimge kiritilmegen ónimler bolsa sertifikatlastırılıwı ıqtıyarıy bolıp tabıladı.