Sertifikatlastiriw tiykarlari

4) úlgini identifikaciyalaw, tańlap alıw, tamǵalaw hám plombalashni sertifikatlastırıw mekemesi yamasa sınaw laboratoriyası arzashı qatnasıwında ámelge asırıp, bunda úlgini sınap kóriw ornına jetkeriw támiyinlenedi.

Sertifikatlastırıw ushın sinew tutınıwshılarǵa jetkiziletuǵın ónimge áyne uqsas bolıwı, yaǵnıy islep shıǵarıw texnologiyası hám quramı, konstruktsiyasi, ceriyali ónimnen yamasa partiyadan tańlap alınǵan úlgi boyınsha ótkeriledi.

Úlgiler muǵdarı, tańlap alıw tártibi, saqlaw hám identifikaciyalaw qaǵıydaları sertifikatlanıp atırǵan ónim hám sınaw usılları normativ hújjetlerinde belgilenedi.

Respublikaǵa alıp kelinip atırǵan ónim partiyasınan tańlap alıwdı sertifikatlastırıw milliy mekemesi ornatǵan, akkreditlengen keńseler hám laboratoriyalarda, sınap kóriw ushın alıp kelinip atırǵan ónimnen tańlap alıw norma shegaralarına ámel etiliwi zárúr. Arzashı zárúrat bolǵanda úlgiler maǵlıwmatları boyınsha texnikalıq hújjetlerdi usınıs etedi. Bunda úlgi tańlap alıw aktı 2 nusqada dúzilip, olardan biri arzashıǵa tapsırıladı.

Import qılınıp atırǵan bajıxana támiynatında bolıwı kerek bolǵan ónimnen úlgiler tańlap alıwdı, bajıxana mekemesi ruxsatı menen bajıxana inspektorı hám tovar iyesi yamasa onıń wákili qatnasıwında sertifikatlastırıw boyınsha mekeme wákilleri ótkeredi. Úlgi tańlap alıw aktı úsh nusqada bolıp, olardan ekinshisi bajıxana mekemesine tapsırıladı.

5) sertifikatlastırıw sınawı bul ónimdi sertifikatlastırıwda paydalanıletuǵın normativ hújjetlerde kórilgen jáne bul sınawdı ótkeriw huqıqı bolǵan akkreditlengen sınaw laboratoriyalarında ótkeriledi. Sertifikatlastırıw waqtında akkreditlengen sınaw laboratoriyaları bolmasa, sertifikatlastırıw boyınsha milliy mekeme sınawdı ótkeriw ornın, shárti hám rejimin jáne onıń nátiyjelerin qalıslıǵın támiyinlewdi anıqlaydı.

Arzashı sertifikatlastırıw mekemesine óndiriske ónimdi jetkeriw hám islep shıǵıwda ótkerilgen sınaw protokolı (onı ámel qılıw múddetin esapqa alıp) yamasa Ózbekstan Respublikası SMTda akkreditlengen ,tán alınǵan jergilikli yamasa xalıq aralıq sınaw laboratoriyaları atqarǵan sınaw haqqında hújjetlerdi de usınıwı múmkin.

Buyırtpashını soranıwı boyınsha onıń wákiline sınaw shártleri hám laboratoriya menen tanısıw múmkinshiligi beriledi. Arzashı óziniń ónimin sınap kóriwde qatnasıw huqıqına iye. Bunda laboratoriyada sınaw normativ shártleri saqlanıwı hám jasırınlıqtı támiyinlew boyınsha sharalar qabıl etilgen bolıwı kerek.

Úlgiler sınawı isenimliligi, sapası hám saqlaw ushın ǵárezsiz hám texnikalıq uqıplılıǵına akkreditlengen sınaw laboratoriyası juwapkershilikti óz moynına aladı. Sınaw protokolın kepillikke iye qánige imzalaydı hám laboratoriya basshısı tastıyıqlaydı.

Ǵárezsiz laboratoriya bolmaǵanda, sertifikatlastırıw mekemesi wákili qadaǵalawı astında tek texnikalıq uqıplılıǵına akkreditlengen sınaw laboratoriyasında sertifikatlastırıw maqsetinde sınawdı ótkeriwge ruxsat etiledi. Bunday sınawdı onı ótkeriwge tapsırma beriwshi sertifikatlastırıw mekemesi menen bir qatarda, orınlawshı sınaw laboratoriyası qalıslıǵı ushın juwapkershilikti óz moynına aladı. Sınaw protokolına bunday jaǵdaylarda, sertifikatlastırıw mekemesiniń ekspert-auditori da qol qoyadı.

Sınaw protokolı arzashı hám sertifikatlastırıw keńselerine usınıs etiledi. Protokol nusqası sertifikat ámel qılıw múddetinen kem bolmaǵan múddet dawamında saqlanıwı kerek. Protokol nusqasınıń arnawlı bir saqlanıw múddeti sınaw laboratoriyasınıń hújjetlerinde hám bir túrdegi ónimlerdi sertifikatlastırıw tártibinde ornatıladı.

Eger ónimdi sınap kóriw bólek kórsetkishler boyınsha hár qıylı akkreditlengen sınaw laboratoriyalarında ótkerilse, ol jaǵdayda ámeldegi barlıq zárúrli sınaw nátiyjeleri boyınsha unamlı protokol bolsa, ónim muwapıqlıǵın bahalaw unamlı dep esaplanadı.

Sınaw nátiyjeleri unamsız bolǵan jaǵdaylarda sertifikatlastırıw mekemesi arzashıǵa sertifikat bermesligi sebepleri kórsetilgen juwmaqtı beredi. Sınawlar tártibi 15. 5 - bólimde tolıq xarakteristikalanǵan.

6 ) sertifikatlanıp atırǵan ónimniń islep shıǵarıw jaǵdayın bahalaw bir túrdegi ónimlerdi sertifikatlastırıw tártibinde ornatılǵan. Gúzetiw múddeti 10 kúnden kóp bolmawi kerek. Bahalaw nátiyjeleri boyınsha sertifikat beriw haqqındaǵı qarar qabıl etilgende, esapqa alınatuǵın gúzetiw aktı dúziledi. Islep shıǵarıwdı tekseriw 3-baptın 3. 4-bandida jáne de tolıqlaw xarakteristikalanǵan.

Islep shıǵarıwdı gúzetiwi ótkerilgenlıǵı haqqındaǵı dáliller, islep shıǵarıwdı sertifikatlastırıw yamasa sapa sistemasın sertifikatlastırıw ónimniń sertifikatında keltiriledi.

7) muwapıqlıq sertifikatın beriw. Sertifikatlastırıw mekemesi sınaw protokolın kórip shıǵıp, islep shıǵarıw jaǵdayın bahalawı hám unamlı qarar qabıl etkeninen keyin sertifikattı rásmiylestiredi jáne onı mámleket reestrida dizimge alıp, Ózbekstan Respublikası sertifikatlastırıw milliy sistemasında ornatılǵan qaǵıydalar boyınsha arzashıǵa tapsıradı. Muwapıqlıq sertifikatı tek dizimge alınǵan nomeri ámeldegi bolǵanda kúshke iye. Muwapıqlıq sertifikatı mámleket hám orıs tillerinde rásmiylestiriledi. Muwapıqlıq sertifikatı blankasinıń ornatılǵan forması qosımsha - Sda keltirilgen.

Muwapıqlıq sertifikatınıń ámel qılıw múddetin sertifikatlastırıw mekemesi sertifikatlastırıw sınawınıń ótkeriw shártleri hám ónimniń ayriqsha qásiyetlerin hám de ónimniń normativ hújjetin ámel qılıw múddetin hám sapa sisteması yamasa islep shıǵarıw sertifikatlanǵanlıǵı esapqa alıp, úsh jıldan kem bolmaǵan múddet ushın belgileydi.

Ónim partiyası yamasa danalı buyımlar muwapıqlıq sertifikatı jaramlılıq múddetine jáne bul jaramlılıq múddetinen kóp bolmaǵan múddette qollanılsa, ámel etedi.

Muwapıqlıq sertifikatı arzashıǵa eki jumıs kúni dawamında tapsırıladı, sonıń menen birge, SI sınaw nátiyjelerin alǵan waqıttan baslap SI islep shıǵarıw gúzetiwin 5 jumıs kún dawamında ótkeredi. Arzashı muwapıqlıq sertifikatınıń ámel qılıw múddeti tawısıwıǵa shekem bir aydan kem bolmaǵan waqıtta islep shıǵarap atırǵan ónimin qayta sertifikatlastırıw maqsetinde sertifikatlastırıw mekemesine arza beriw huqıqına iye. Bunda SI inspektsiya qadaǵalawı nátiyjelerin esapqa alıp, sertifikatlastırıw sxemasın ózgertiwi múmkin.

Ónim konstruktsiyasına yamasa onı islep shıǵarıw texnologiyasına ózgeris kirgiziwdi joybarlawda, yaǵnıy sertifikatlastırıwda ónimniń xarakteristikalarına tásir qılıw múmkinligin, tayarlawshı bul mekemeni xabardar etedi, sebebi sertifikat beriwshi zárúrli tuwrılawshı ilajlar haqqında qarar qabıl etedi.

8) muwapıqlıq belgisi. Berilgen muwapıqlıq sertifikatı tiykarında ornatılǵan sertifikatlastırıw sxeması dúzilgen shártlesiwdi esapqa alıp, arzashı -litsenziya iyesine sertifikatlastırılǵan ónimdi muwapıqlıq belgisi menen tamǵalaw huqıqı beriledi.

Ceriyali ónimge muwapıqlıq sertifikatın beriw waqtında wákil úlgisi sınawı nátiyjeleri, bul ónimge zárúrat bolǵanda qadaqlaw, ıdıs hám qosımsha hújjetleri kárxana -tayarlawshınıń juwapkerligi menen, sınalǵan úlgi hám qollanılıp atırǵan ónim normativ hújjetlerde ornatılǵan talaplarǵa muwapıqlıǵın támiyinlep Muwapıqlıq belgisi menen tamǵalaydı.

Muwapıqlıq belgisin qollawdıń ulıwma qaǵıydaları O'zDSt 5. 8:2006 ‘‘O'zMTMT. Muwapıqlıqtı tastıyıqlaw belgisi. Qollaw qaǵıydaları”nda ornatılǵan. Arnawlı bir ónim túri boyınsha belginen paydalanıwǵa ayriqsha talaplar bir túrdegi ónimlerdi sertifikatlastırıw tártibi hám belgin qollaw shártlesiwinde ornatılǵan.

Belginiń suwretine talaplar O'zDSt 1. 19 :2000 ‘‘O'zDST. Muwapıqlıqtı tastıyıqlaw belgisi. Forması, sızılıwı, tiykarǵı ólshemleri”nde anıqlanǵan. Sertifikatlastırıw milliy sistemasında ónimlerge muwapıqlıq belgisi úlgisi 2. 4-súwretde kórsetilgen.

Ye 009,001

2.4- súwretde. Muwapıqlıq belgisi menen kod belgileniwin belgilew mısalı. Danalı buyumlardı sertifikatlastırıwda onı muwapıqlıq belgisi menen tamǵalaw amelge asırılmaydı. Sapa sisteması muwapıqlıq belgisin ónimnıń qosımsha hújjetlerinde, reklama materiallarında qollaw boyınsha arzashıǵa huqıqtı, sapa sistemasın sertifikatlastırıw mekemesi beredi. Sapa menejmenti sisteması muwapıqlıq belgisi tikkeley ónimge qo‘yilmaydi. Muwapıqlıq belgisi har bir sertifikatlanǵan ónimnıń qozǵalmas bólegine, tayarlawshı bul ónimnıń har birin danalap qadaqlawında tovar belgisi menen izbe-iz tamǵalanadı. Muwapıqlıq belgisin tikkeley ónimge qoyıw imkaniyati joq (maselen, gaz tarizli, suyuq hám shashılıwshan materiallar hám elementler), ıdısına yaki qadaǵına qoyıladı. Zarurat bo‘lǵanda, arnawlı texnik qurallar, jarlıq, lentalardan paydalanıladı. Sertifikatlanǵan ónim hám xizmetke, arzashı hám tamiynatshi muwapıqlıq belgisi menen onıń kodın qoyıwi lazım. Muwapıqlıq belgisinıń kodın tusiriw qosimsha belgi kórinisinde, sertifikatlawtırılǵan ónim hám xızmetler bir topar ónimlerine tiyisli ekenlıgin sertifikatlastırıw mekemesi aniqlaydi. Koddıń belgileniwi tómendegishe: