Sertifikatlastiriw tiykarlari

Májburiy sertifikatlastırıw degende sertifikatlastırıw huqıqına iye bolǵan mekeme tárepinen tastıyıqlanǵan dizimge kiritilgen ónim, process, xızmettiń standartlardaǵı talaplarǵa muwapıqlıǵın tastıyıqlaw túsiniledi.

Iqtıyarıy sertifikatlastırıw degende islepshıǵarıwshı orınlawshı, satıwshı,tmiynlewshi yamasa qarıydar ǵayratı menen qálegen túrde ótkeriletuǵın ónimsertifikatlastırılıwı túsiniledi.

Házirgi sharayatta sırtqı mámleketler menen sawdanı, mámleketlerara ekonomikalıq baylanıslardı, pán hám texnikanı rawajlanıwı ushın, hám de shıǵarılıp atırǵan ónimlerdiń sapasın jaqsılaw, olardıń básekileslik qábiletin asırıw ushın úzliksiz túrde sınawlardan ótkeriw mútajlıǵı artıp barmaqta. Sınawlardı kóbinese úshinshi tárep dep atalıwshı shólkem ámelge asıradı. Úshinshi tárep tárepinen alıp barılatuǵın sertifikatlastırıw islepshıǵarıwshılardiń isenimine iye bolıp atır hám sonınıń ushın bunday jol keń qollanılıp, nátiyjeli alıp barılmaqta. Túrli mámleketlerde úshinshi tárep tárepinen atqarılıp atırǵan sertifikatlastırıw sistemasın shólkemlestiriw ámelde sonı kórsetip atır, onı túrlishe shólkemlestiriw múmkin eken. Sertifikatlastırıw tariyxın kórip shıǵatuǵın bolsaq bul iskerlik penen islepshıǵarıwshı assotsiatsiyalar, iri qarıydarlar, standartlastırıw milliy shólkemleri shugillanıp túrli sistemalardı jaratqanl. Mısalı, Frantsiya hám Angliyada 60 -jıllar basında qarıydarlar tárepinen áskeriy maqsetler ushın isletiletuǵın elektronika ónimlerin sertifikatlastırıw sisteması jaratıldı.

Sertifikatlastırıw túsinigi keń mániste úshinshi tárep tárepinen ótkeriletuǵın texnikalıq normaǵa, jumıs usılına, qaǵıydaǵa muwapıqlıǵın qamtıp alǵan hár qanday tekseriw bolıp tabıladı. Sol sebepli sertifikatlastırıwdı tekseriw dep esaplab, basım astındaǵı ıdıslardı, jarılıw qáwipinen qorǵalǵan apparatlar, kemeler, júziw quralları, samolyotlar, aviatsiya apparatları, atom reaktorlarınıń hám taw texnikasınıń isletiliwindegi qawipsizligin támiyinlew maqsetinde texnikalıq qadaǵalaw ornatıwshı keńseler shártli tekseriwdi ámelge asıradı.

Akkreditatsiya - bul abıraylı mekeme tárepinen, basqa bir shólkem yamasa shaxstı rásmiy túrde anıq islerdi orınlawda tolıq huqıqlı kepillik berilgenlıǵın tán alıw bolıp tabıladı.