Separatorlarning tasnifi Separatorlar turli ko‘rinishda ishlab chiqiladi va quyidagi ishlarni bajaradi: -neftda erigan gazni ajratib oladi; -neft – gaz oqimining aralashishini kamaytiradi va shu bilan gidravlik qarshiliklarni pasaytiradi

Separatorning optimal ajratish bosqichlarini aniqlash.
Neft konida neftdan gazni, gazkondensat konida kondensatdan gazni ajratishda savol tug’iladi, suyuq uglevodorod va neftni ajratish uchun uch bosqichli separator ma’qulmi yoki ko’p bosqichli (5-7 bosqichli) ajratish usuli? Bu savolga birdan javob berish qiyin, buning uchun kon maydonida neft, gaz va suv yig’ish tizimi bilan yaqindan tanishish kerak bo’ladi. Misol qilib, quduq ustida bosim (3,93 – 7,86 MPa) yuqori bo`lsa ko’p bosqichli ajratish usuli ma`qul hisoblanadi. Bunda har bir bosqichda bosim sekin tushirilib borish evaziga yengil gazlar dastlab ajraladi va oxirida kam miqdorda bir muncha og’ir bo’lgan uglevodorodlar qoladi.
Xuddi shu bosim uchun ikki yoki uch bosqichli separatorlardan foydalanilsa bosimning tez o’zgarishi evaziga gaz tarkibiga bir muncha og’ir uglevodorodlar ham qo’shilib ketadi.
Agar ko’p bosqichli ajratish usulini ikki yoki uch bosqichli ajratish usuli bilan taqqoslansa albatta ko’p bosqichli ajratish usuli samarali hisoblanadi. Ko’p bosqichli ajratish usuli germetik bo’lmagan neft va gaz yig’uv tizimida qo’llanilsa, barcha og’ir uglevodorodlar bug’lanib, ajratish samarasi nolga teng bo’ladi.