Sentyabr Tarbiyachining bir haftalik namunaviy ish rejasi

Jamoaviy applikatsiya: «SHahar ko‘chalaridagi mashinalar».
Maqsad: turli shakl va holat hamda harakat yo‘nalishdagi mashinalarni yasash. Yo‘l va chorraxalar maketini qog‘ozdan qirqib yasash, elimlash.
Jihoz va materiallar: rangli qog‘ozlar to‘plami, elim, mo‘yqalam, salfetka, qaychilar.
Faoliyatning borishi:
1. Bolalar ishlari ko‘rgazmasi,«Bizning ko‘chamizdagi uylar» mavzusiga oid applikatsiya:. Bolalardan ko‘chada yana nimalar etishmayotganligi to‘g‘risida so‘raladi.
2. Video rolik namoyishi: «SHahar ko‘chalaridagi mashinalar».
3. Jadvalli applikatsiyalar. Har bir bola alohida mustaqil topshiriq asosida o‘z tasvirini elimlaydi, so‘ngra ular umumiy kompozitsiyadan o‘z ishlariga mos joyni tanlab, joylashtiradilar.
5. Barcha birgalikda hosil bo‘lgan kompozitsiyani ko‘zdan kechirishadi va yana nimalar hisobiga to‘ldirish mumkinligini aytishadi.
Qo‘shimcha: SHahar ko‘chalarida kuzatishni amalga oshirish, illyustratsiyalarni ko‘rish, «Bizning ko‘chamizdagi uylar» mavzusida applikatsiyalar yasash.
Nimaga e’tibor qaratiladi: Bolalarning obrazli tasavvur va tafakkurlarini rivojlantirish.
Fan va tabiat markazi
Suvning xususiyatlari bilan tanishish: «Er yuzidagi eng ajoyib ne’mat».
Maqsad:bolalarning jonsiz tabiat obektlari to‘g‘risidagi tasavvurlarini o‘stirish – ularni elementar ilmiy tadqiqot faoliyatiga yo‘naltirish.
Jihoz va materiallar: Televizor, DVD- uskunasi, slaydlar, globus, kolbalar, 2 ko‘za suv, plastmassa stakanchalarda har bir bola uchun alohida suv, termos, ko‘zgu, shaffof idishlarda muz kubiklari, toshchalar, qog‘oz salfetkalar.
Faoliyatning borishi:
1. Suv xususida suhbat. Video rolik namoyishi.
2. № 1-tajriba. «Suv suyuq – oqib ketishi mumkin».
3. № 2-tajriba. «Suv muz holatida ham bo‘ladi».
4. № 3-tajriba. «Suvning shakli yo‘q».
5. № 4-tajriba. « Bug‘-bu suv».
Qo‘shimcha: Bolalarni erning modeli globus bilan tanishtirish, ularni suv va quruqlik kengliklari to‘g‘risidagi ilk bilimlar bilan qurollantirish. Bolalarda suvning qattiq, gaz, suyuq holati to‘g‘risidagi tasavvurlarini shakllantirish.