Семинар. "Миллий ғОЯ: Ўзбекистонни ривожлантириш стратегияси" фанининг предмети, мақсади ва вазифалари. 651 17 guruh talabasi Shohruz Turg’unaliyev Режа : Миллий ғоянинг шаклланиш тарихи

1-СЕМИНАР. “МИЛЛИЙ ҒОЯ: ЎЗБЕКИСТОННИ РИВОЖЛАНТИРИШ СТРАТЕГИЯСИ” ФАНИНИНГ ПРЕДМЕТИ, МАҚСАДИ ВА ВАЗИФАЛАРИ.
651 – 17 guruh talabasi Shohruz Turg’unaliyev
Режа :
1.Миллий ғоянинг шаклланиш тарихи.
2.“Миллий ғоя: Ўзбекистонни ривожлантириш стратегияси” фанининг асосий тушунчалари, ғоянинг жамият ривожи билан узвий боғлиқлиги ва унга таъсири.
3.“Миллий ғоя: Ўзбекистонни ривожлантириш стратегияси” фанининг предмети, мақсад ва вазифалари.
Авваллари “Ғоя” сўзи ўрнида “Идея” атамаси ишлатиб келинган. “Идея” юнонча сўз бўлиб, том маънода кўриниб турган нарса, “кўриб турганим” деган маънони англатган. Инсонни қуршаб турган нарсаларнинг барчаси “идея” деб тушунилган. Кейинчалик бу сўз “фикр”, “образ”, “тушунча” каби маъноларда ишлатила бошланган.
Фалсафий нуқтаи назардан олганда, “идея” ёки “ғоя” атамаси воқелик, ҳаёт, фаолият таъсирида пайдо бўладиган, уни акс эттириш асосида шаклланадиган дунёни билиш назариясининг ўзига хос шаклларидан биридир.
Ғоя – маънавий ҳаёт ҳодисаси, инсон тафаккурида вужудга келадиган, ижтимоий характерга эга бўлган, руҳиятга кучли таъсир ўтказиб, жамият ва одамларни ҳаракатга чорлайдиган, мақсад-муддао сари етаклайдиган КУЧЛИ, ТЕРАН ФИКР.
Билимларнинг ғояга айланиш жараёнини таҳлил қилинганда қуйидаги уч ҳолатга эътиборни қаратиш лозим:

• ўрганилаётган ҳодиса ёки воқеа ҳақидаги билимларнинг аниқ бўлиши, билимлар ҳодисада, воқеада, жараёнда бўлаётган ўзгаришларни аниқ ва тўла акс эттириши;
• тўпланган билимларни амалиётга қўллаш учун эҳтиёж, яъни заруриятнинг ортиб бориши;
• билимларни ишлаб чиқарган кишиларни (олимлар, шоирлар, ёзувчиларни) жамиятда содир бўлаётган воқеалар ёки табиий муҳитда вужудга келган муаммоларни тезроқ бартараф этиш учун ўз олдиларига қўйган мақсад – вазифанинг аниқлиги, режанинг пухталиги.

Биринчи Президентимиз Ислом Каримов таъкидлаганидек, “Миллий ғоя деганда, аждодлардан авлодларга ўтиб, асрлар давомида эъзозлаб келинаётган, шу юртда яшаётган ҳар бир инсон ва бутун халқнинг қалбида чуқур илдиз отиб,унинг маънавий эҳтиёжи ва ҳаёт талабига айланиб кетган, таъбир жоиз бўлса, ҳар қайси миллатнинг энг эзгу орзу-интилиш ва умид-мақсадларини ўзимизга тасаввур қиладиган бўлсак, ўйлайманки, бундай кенг маъноли тушунчанинг мазмун-моҳиятини ифода қилган бўламиз”.