Семинар машғҒулот №2 Мавзу. Ўқув мақсади ва натижаларни лойиҳалаштириш

СЕМИНАР МАШҒҒУЛОТ № 2
Мавзу. Ўқув мақсади ва натижаларни лойиҳалаштириш


Ишнинг мақсади. Талабаларга семинар машғулотида Ўқув мақсади ва натижаларни лойиҳалаштириш юзасидан назарий манбаларни бериш ва назарий манбалар асосида бир соатлик ўқув машғулотини мақсад ва натижаларини лойихалаштириш бўйича савол ва вазифаларни амалга ошириш.


Иш жиҳози. Информатика ва ахборот технология дарслиги. Мавзуга доир интернет манбалари.

Асосий саволлар:

1. 
   Таълим технологияси
   
2. 
   Мавзунинг долзарблиги
   
3. 
   Мавзу бўйича илмий манбаларнинг қисқача таҳлили.
   
4. 
   Ўқув мақсади ва натижаларни белгилаш
   
5. 
   Асосий қисм.
   

Ҳозирги кунда таълим жараёнида интерфаол методлар, инновацион технологиялар, педагогик ва ахборот технологияларини ўқув жараёнида қўллашга бўлган қизиқиш, эътибор кундан-кунга кучайиб бормоқда.

Таълим сифатининг юқори даражада бўлишига бевосита таъсир этувчи омиллар бўйича мутахассисларнинг турлича қарашлари мавжуд. Жумладан, билим олувчиларнинг савияси, педагогларнинг билими ва маҳорати, уларнинг компетентлиги ва креативлиги, таълим жараёнининг моддий-техник таъминоти, жараён мониторингининг тўғри ташкил этилиши, натижаларнинг таҳлили ва шу каби кўпгина омилларни айтиш мумкин.
Мазкур омиллар ҳар бир олий таълим муассасасининг ривожланиш стратегиясининг ўқув ва илмий жараёнлар билан боғлиқ қисмларида албатта ўз аксини топади. Айниқса, ўқув дастурларининг замонавий талаблар асосида бўлишига эришиш, реал меҳнат бозори талабларига мос кадрлар тайёрлашга йўналтирилганлиги, он-лайн таълимни амалга оширишга шароитлар яратиш, илмий фаолиятга ёшлардаги эҳтиёжни кучайтириш, олий малакали илмий педагогик кадрлар тайёрлаш, халқаро ҳамкорликни кенгайтириш, касбий таълимга йўналтириш кабиларга бугунги кунда мамлакатимиз олий таълим муассасаларида ҳам муҳим вазифа сифатида қаралмоқда.
Ҳар бир бўлажак мутахассис таълим тизимини ислоҳ қилишнинг зарурлигини тушуниб етиши ва унинг амалиётда таълим муассасалари инновацион жараёнларига қўшилишдаги аҳамиятини англаб етиши ҳамда яратиш имкони мавжуд бўлган инновацион майдонда ўзини кўриш ва энг муҳими, янгиликларни ўзлаштиришдан иборат¹ .