Семинар 1-мащк Ислом динида оила мукаддас саналиб, унга булган эътироф ва эътибор ката--

Оила жамиятнинг асосий негизидир--->
Оила жамиятнинг асосий негизи, жамият тараққиётининг маҳсули ҳисобланади. Оила жамиятнинг кичик лекин энг муҳим таркибий қисми бўлиб, у ўзига хос мустақилликка эга.
Оила асосини эркак билан аёл ўртасидаги никоҳ ташкил этади. Оила фақат эркак билан аёл муносабатини эмас, эр билан хотин, ота-оналар билан болалар муносабатини ифодалайди.
Оила жамият бағрида ташкил топади ва тараққий этиб боради.
Оила инсон камолотининг бош бўғини, давлат тизимининг энг муҳим институти, жамиятимиз ўзаги, негизидир. Ҳар қайси миллатнинг ўзига хос маънавиятини шакллантириш ва юксалтиришда оиланинг ўрни ва таъсири беъқиёсдир. Маълумки, аждодларимиз яшаган оилага доир анъана, урф-одатлар халқимиз ўтмишининг ойнасидир. Утмиш оилаларимиздан иложи борича оила ахлоқи, одоби ва унинг камолоти масалаларини ўрганиш муҳим аҳамият касб этади.
Аждодларимизнинг оила қуришда, келин тушириш ва қиз чиқаришда ўз талаб ва тушунчалари бўлган. Бу нарса улуғ аллома Бурхониддин Марғиноний томонидан тасниф этилган “Ҳидоя” (Ҳидоя фи фурул ал-фикр) асарида “Кафоат” деб аталади. Кафоат сўзининг луғавий маъноси тенгликдир. Қонун тили билан айтилганда “Эр ва хотиннинг тенглиги”ни билдиради.
Бундан ташқари, Зардуштийлик динининг китоби “Авесто”да ҳам оила, эр-хотин муносабати, хотиннинг жамиятда тутган ўрни, онанинг мадҳини ва оиладаги турли муносабатларга алоҳида эътибор бериб ўтилган. Юнон файласуфи Цецерон ҳам “Никоҳ – кишилик жамиятининг биринчи поғонасидир” деб айтиб ўтганини мисол тариқасида келтириш мумкин.
Ўзбекистон ўз мустақиллигини қўлга киритган 1991 йилдан бошлаб инсон ҳуқуқ ва эркинликларини рўёбга чиқаришга қаратилган сиёсат юритиб келмоқда. Ана шу сиёсатдан келиб чиққан ҳолда 1997 йилдан бошлаб хар йил мамлакатимизда маълум бир ном билан аталиб, кучли ижтимоий сиёсат олиб борилмоқда. Масалан, 1998 йил – “Оила йили”, 1999 йил- “Аёллар йили”, 2000 йил – “Соғлом авлод йили”, 2008 йил – “Ёшлар йили”, 2012 йил – “Мустаҳкам оила йили” каби. Бундан кўриниб турибдики, давлатимизда оила институтига алоҳида эътибор кўрсатилмоқда.
Ҳозирги кунда ҳам аждодларимиз авайлаб асраб келаётган оила, эр ва хотин муносабларига Конституциямизда, хусусан 63-моддада “Оила жамиятнинг асосий бўғинидир...” деб кўрсатилган.
Оиланинг муқаддаслиги аввало ўзимиз туғилиб ўсган ва кейинчалик ўзимиз барпо этган муҳит эканлигидан ҳам билишимиз мумкин. Унинг замирида бир қатор муносабатлар ётадики, у бутун бир ҳаётимизни ташкил этади. Аммо ҳозирга қелиб, мамлакатимизда ёшларга, ёш оилаларга кўрсатилаётган ғамхўрликдан самарали фойдалана олмасдан, ўз оилаларини сақлаб қололмай, жар ёқасига келиб қолган оилаларни ҳам фаолиятимиз давомида учратамиз. Бунда баъзида ёшларнинг оилавий муносабатлардаги билимсизлиги, зарур кўникмаларга эга эмаслиги, ота-оналарининг ўғил-қизлар ҳаётига аралашиб, келажагини белгилаб бераётганликларига ҳам гувоҳ бўлмоқдамиз.
Шундай экан, ҳар бир ота-она ўғил ёки қизини турмушга тайёрлаш жараёнида никоҳ ва оиланинг масъулияти, эр-хотинликнинг ҳуқуқ, бурч ва вазифаларидан тўла хабардор қилишлари ҳамда соғлиқларига ғамхўрлик қилишлари лозим. Ана шунда никоҳдан ажралишлар ва ота-она меҳридан жудо болалар бўлмайди. Оила муқаддас даргоҳ. Оила шундай илоҳий, мўъжизавий маскандирки, унинг шаъни, сизнинг шаънингиз, ўз оилангиз обрўсига путур етказадиган хатти-ҳаракатлардан сақланинг. Ҳаётнинг лаззати ширин турмушда. Эр-хотин иноқ, бир-бирига меҳр-оқибатли бўлишса, бу бахтдир. Зеро, замин яхши бўлса ниҳол бешикаст ўсади. Оилавий бахт сизники.Унинг қадрига ета билинг.