Science and education in the modern world: challenges of the XXI century

Мавзунинг долзарблиги. 
Суяклар битишининг кўпчилик морфологик томонлари 
ҳанузгача етарлича ўрганилмаган. Масалан, суяк қадоғи ўсиши, етилиши ва зарарланган 
суяк тўқимасининг қайта тикланиш механизмларининг сустлашиши, секин битадиган ва 
битмайдиган синишларда яллиғланиш, регенерация ва фиброзлар орасидаги ўзаро 
муносабатлар тўғрисида масалалар очиқ бўлиб қолмоқда. Мазкур патологияда 
даволашнинг умумий қабул қилинган усуллари ва воситалари ҳамма вақтда ҳам турли 
асоратлар ривожланишининг олдини олмайди [1]. 
Суяк метаболизмининг янги маркерларини ўрганиш, шубҳасиз, суяк патологиясини 
баҳолашда ишлатиладиган қон зардоби таҳлиллари спектрини бойитади [3]. Жумладан 
шуни таькидлаш мумкин - қон зардобидаги ишқорий фосфатазанинг фаоллиги билан суяк 
минерализацияси жадаллиги ўртасида ўзаро боғлиқлик мавжуд [2]. 
Тадқиқотнинг мақсади. 
Аҳолига тегишли бўлган найсимон суяклари синган 
турли ёшдаги итларни интрамедулляр остеосинтез қилиш ва уларни махсус схема бўйича 
кейинчалик даволаш даврида қон кўрсаткичлари ҳолатини ўрганишдан иборат.
 
Материаллар ва усуллар. 
Тажрибалар Самарқанд вилояти туманлари ва 
Самарқанд шаҳри аҳолисига тегишли 18 бош турли ёшдаги найсимон суяклари синган 
итларда ўтказилди. Итлар 2 та тажриба ва 1 та назорат (ҳар бирида 6 бошдан) гуруҳларга 
ажратилди. 
Биринчи тажриба гуруҳидаги итларнинг синган суяклари интрамедулляр 
остеосинтездан сўнг қуйидаги махсус схема бўйича даволанди: линкомицин 1,0 мл дан 
кунига 2 маҳал 10 кун давомида мушак орасига юборилди, кальций глюконати препарати 
1 таблеткадан (0,5 г) кунига 2 маҳал 25 кун давомида оғиз орқали, мумиё препарати 1 
таблеткадан (0,2 г) майдаланган ҳолатда 5 мл сувга аралаштирилиб кунига 2 маҳал 15 кун 
давомида оғиз орқали ҳамда Аквадетрим (Д
3 
витамини) 15000 МЕ препарати 3 томчидан 
кунига 1 маҳал 15 кун давомида озуқага аралаштирилиб берилди. 
Иккинчи тажриба гуруҳидаги итларга: линкомицин 1,0 мл дан кунига 2 маҳал 10 
кун давомида мушак орасига юборилди, кальций глюконати препарати 1 таблеткадан (0,5 
г) кунига 2 маҳал 25 кун давомида оғиз орқали, 0,85 г ли остеогенон препарати 
1
/
2
таблеткадан кунига 2 маҳал 15 кун давомида оғиз орқали ҳамда Аквадетрим (витамин Д
3
) 
15000 МЕ препарати 5 томчидан кунига 1 маҳал 15 кун давомида озуқага аралаштирилиб 
берилди. 

---