Сценарийлар тўплами 2 Кириш

Бошловчи: 
Раҳмат, сизларга келгусидаги ўқишларингизда омад ёр 
бўлишини тилаб қоламиз! Эндиги навбат Андижон Давлат Университети 
тарих фанлари номзоди, доцент Дилфуза Собирова берилади, марҳамат!

(Мутахассис З.М.Бобурнинг тарих солномаларидан жой олган муҳим 
воқеалари ҳақида сўзлаб беради.) 
Бошловчи: 
Бу икки буюк аждодларимизнинг бизга қолдирган адабий ва 
илмий меросларидан ёшларимиз, нафақат бизнинг ёшларимиз, балки уларнинг 
ижодига катта қизиқиш билан мурожаат қилиб келаётган бутун дунё 
китобсеварлари ўзларига маънавий озуқа ва бебаҳо дурдоналар олмоқдалар. 
Уларнинг асарлари бир мактабдир десак, муболаға бўлмас. Бизнинг зиё 
масканимиз ҳам шундай даҳо боболаримизнинг нодир асарларини ўқувчи
ёшларимизга ва китобхонларга тарғиб қилиб, уларнинг ижодиётидан илҳом 
олиш ва баҳраманд бўлишлари учун асосий билим даргоҳи вазифасини ўтаб 
келаётганини айтиб ўтиш ўринлидир. 
Ҳурматли тадбиримиз иштирокчилари, эндиги сўз навбатини “Олтин 
мерос” халқаро ҳайрия жамғармаси Андижон вилоят бўлими раиси Ўктамжон 
Баратовга берамиз, марҳамат!

(Мутахассис ўз фикрларини билдиради.) 
Бошловчи: 
Навоий ва Бобур ижоди улар яшаган муҳитнинг бадиий 
қомуси, мураккаб халқ тарихининг равшан кўзгусидир. Унда инсон ҳаёти ва 
фаолиятининг ранг-баранг соҳалари ўз ифодасини топган. Бинобарин, Навоий 
ва Бобур мероси турли илм соҳалари учун бой ва қимматли манбалардир. 
Азиз меҳмонлар, ҳурматли тадбиримиз иштирокчилари! Эндиги навбат 
вилоят маданият ва спорт бошқармаси қошидаги “Мерос” ансамблига 
берилади, улар А.Навоий ва З.М.Бобур ғазаллари ва шеърларидан қўшиқлар 
тайёрлаб келишган. Ҳозир улар ижросидаги қўшиқларни тинглаймиз, 
марҳамат!
(Хонандалар томонидан қўшиқлар ижро этилади.) 
Бу икки буюк зотнинг ҳаёти, ижоди ҳали авлодларга кўп дурдоналар 
бериши табиий. Улар юз йиллар, минг йилларда бир содир бўладиган нодир 
шахслардир. Дунё Алишер Навоийни даҳо санъаткор, мутафаккир шоир 
сифатида тан олган бўлса, Заҳириддин Муҳаммад Бобурни буюк сўз 
санъаткори, буюк давлат арбоби, кейин шоҳ ва шавкатли саркарда сифатида 
тан олганлар. Биз шундай буюк боболаримиз билан ҳар қанча фаҳрлансак, 
ғурурлансак арзийди. 
Ҳурматли меҳмонлар! Бу улуғ боболаримиз ҳақида яна жуда кўп гапириш 
мумкин, лекин ҳамма нарсанинг якуни бўлганидек, бугунги тадбиримиз ҳам ўз 
якунига етиб бормоқда. Тадбиримизни якунлаб бериш учун сўзни Бобур 

---

6 
номидаги вилоят АКМ директори Исмаилова Гулнора Алижановнага берамиз, 
марҳамат! 
Барчангизга ташриф ва эътиборингиз учун раҳмат, ҳайр, соғ ва саломат 
бўлинглар!