Сборник научных трудов по материалам Международной научно-практической

Keywords:
Information, technology, innovation, science, enlightenment, education, primary 
grades, multimedia, visualization, means, education, development, memory, thinking, cognitive 
activity, task, teacher, students, efficiency 
Bugungi kunda dunyo miqyosida axborot tehnologiyalariga bo‘lgan talab jadal suratlarda 
o‘sib bormoqda. Kundan-kunga axborot tehnologiyalari sohasi rivojlanib, yangi tehnologiyalar, 
innovatsion g‘oyalar shakllanmoqda. O‘zbekiston Respublikasi Prezidentining Oliy Majlisga 
Murojaatnomasida 2020 yilni “Ilm-ma’rifat va raqamli iqtisodiyotni rivojlantirish yili”, deb e’lon 
qilishi hamda shu bo‘yicha “yo‘l xaritasi” ishlab chiqilgani ham yurtimizda axborot texnologiyalari 
sohasiga muhim ahamiyat berilayotganini ko‘rsatmoqda.
Har bir sohaga axborot tehnologiyalarini joriy qilish bugungi kunning talabiga aylanib 
borayotgan ayni paytda yurtboshimizning 2020-yil 2-martdagi farmoni bilan tasdiqlangan 
Harakatlar strategiyasining “Ilm, ma’rifat va raqamli iqtisodiyotni rivojlantirish yili”da amalga 
oshirishga oid davlat dasturi ijrosini ta’minlashda eng ustuvor vazifalaridan biri, ijtimoiy soha 
ob’ektlari, jumladan, umumta’lim maktablari, maktabgacha ta’lim va sog‘liqni saqlash 
muassasalarini tezkor internetga ulash vazifasi qo‘yildi. Bu o‘z navbatida, yosh avlodning 
zamonaviy bilim olishi, bemorlarga sifatli va tezkor xizmat ko‘rsatish salohiyatini oshirishi bilan 
ahamiyatlidir. 
Qaror doirasida olib borilayotgan islohotlar natijasida ta’lim jarayonida ham axborot 
tehnologiyalari keng joriy etila boshlandi. Jumladan, o‘quv fanlari bo‘yicha elektron o‘quv 
vositalarining yaratilishi mazkur fanlarni o‘qitishda zamonaviy axborot-kommunikatsiya 
texnologiyalaridan foydalanish imkoniyatini yanada kengaytiradi. Bu esa, o‘quvchilarning mazkur 
fanlar bo‘yicha bilimlarini chuqur o‘zlashtirishlarining asosiy omili bo‘lib, ta’lim-tarbiya sifati va 
samaradorligini oshiradi. Ayni shunday sa’y-harakatlar amalga oshirilishi ta’lim jarayoniga 
zamonaviy pedagogik va axborot texnologiyalarini keng tadbiq etishni yanada jadallashtirish, 
professor-o‘qituvchilarni ilg‘or pedagogik bilimlar va texnologiyalar bilan qurollantirish, ularning 
mahoratini oshirish, xorijiy oliy ta’lim muassasalari tajribasini chuqur o‘rganish hamda ulardagi 
samarali usul va vositalarni milliy ta’lim tizimimizga joriy etish imkonini yaratadi. Axborot 
tehnologiyalarining ta’lim tizimiga kirib kelishi, uning afzalliklari haqida so‘z yuritar ekanmiz 
boshlang‘ich sinf o‘quvchilari uchun yaratilgan innovatsion multimedia ilovalarini aytib 
o‘tmaslikning iloji yo‘q.
Multimedia- zamonaviy axborot tehnologiyasi mahsuli bo‘lib, boshlang‘ich sinf 
o‘qituvchilari uchun mavzuni yanada yaxshi tushuntirish, dars jarayonini qiziqarli tashkil etish, 
darsda o‘quvchilarning faolligini ta’minlash, o‘quvchilarning kommunikativ va ijtimoiy 
qobiliyatlarini rivojlantirish, ta’lim olishga bo‘lgan ichki ehtiyojlarini shakllantirish, hamda ta’lim 
samaradorligini oshirish uchun zarur vosita bo‘lib xizmat qilmoqda. Multimedia ilovalaridagi 
yorqinlik, qiziqarli vidioroliklar, rasmli masalalar, latifalar, ertaklar, mavzuga oid boshqotirmalar, 
rebuslar bularning barchasi o‘quvchida mavzuga nisbatan qiziqishni oshiradi, mavzuni yaxshi eslab 
qolishiga zamin yaratadi.
Multimedia texnologiyalarida an’anaviy texnologiyalarga qaraganda axborotlar matn 
ko‘rinishda emas, balki tasvir, ovoz va harakatlar ko‘rinishida ko‘rgazmalilik aosida ifodalanilishi 
o‘quvchilarni darslarda faolroq, diqqatliroq intiluvchan va qiziquvchan bo‘lishga o‘rgatadi, chunki 
tavsiya qilinadigan har bir axborot ularning ishtiroki va harakati orqali amalga oshiriladi. Bu esa 
o‘quvchilarga o‘z bilimlarini nazorat qilish va mustahkamlash, mavzuni o‘rganishda o‘zi uchun 
qulay bo‘lgan tezlik va o‘zlashtirish darajasini tanlash imkoniyatini beradi.

---

BOSHLANG‘ICH TA’LIMGA XALQARO BAHOLASH DASTURLARINI JORIY ETISHNING ISTIQBOLLARI